K’o 200,000 raqan ichak marihuana xesax kumal ajchajil tinamit pa Melchor de Mencos, Petén

232

Are wa’ uwach uchak patan ri Quinto Viceministerio rech ri Ministerio rech Gobernación, pa komonb’al kuk’ ri eqa’lenelab’ rech ri Subdirección General rech Solwachinem xuquje’ Tzijol chi rij Awan Kunb’alil, ruk’ ri Ministerio Público xuquje’ ri Ministerio rech ri Defensa, k’o k’ut 200,909 raqan ichaj rech marihuana, xkesaj pa Melchor de Mencos, Petén. Eri rajil pa ronojel are ri’ Q75.3 millones chi pwaqilem ri’.

Eri utzalaj chak patan pa taqawokajil ri’ are xuya’ pa saqil karaqataj wiri, rumal ri’ xb’ek resaxik xuquje’ k’o wuqub’ tiko’nib’al xk’atisax uwach ri’ rech ri marihuana ri’ pa taq le 2, 3 xuquje’ 4 rech febrero.

Eri tzijol xya’taj kumal ri q’atb’altzij rech ri Ministerio rech Gobernación eri tiko’nib’al ri’ are xraqatajik pa le caserío Piedra Quebrada, chi’ k’u ri’ xraqataj wi pa ronojel 20,570 matas rech marihuana ri’.

Xuquje’ pa le caserío La Esperanza, ri xesax chi’ are 87,759 raqan awan ichaj ri’, e pa le Rejoya eri chak xb’an kumal ri puqil taqawokajil ri’ are xekowinik xkesaj 92,580 raqan ichaj rech marihuana, are wa’ ri kutun pa rajilab’al ruk’ ri raqom chik ri’.