K’o b’insam uwach kikunaxik yowab’ pa Japache’ ri’

157

Eri Ministro de Gobernación, Francisco Rivas Lara, aretaq xsik’ix rumal ri bancada UNE, xuya’ub’ixik che kakoj ri’ pa Wokajil Japache’ (SP) b’insam uwah kikunaxik yowab’ chi’ pa taq japache’ xuquje’ ruk’ wari’ rech kek’am ta chik ri e ajpache’ pa taq Ja rech kunanib’al yowab’ ri’.

E k’o keb’ B’insam uwach ub’anik kikunaxik yowab’ kakoj ri’, ruk’ utob’anik ri Ministerio rech Salud, are wari’ kakoj pa le nimalaj Japache’ Fraijanes xuquje’ la Preventivo rech ri zona 18, are wa’ qas rajawaxik kakoj chi’ rech kekunaxik ri e ajpache’ ri’, k’a pa taq nab’e ilob’al kech rech kekunax ri’.

Eri Ministro ri’ xuya’ ub’ixik aretaq kojom chik ri ja kunanib’al yowab’ ri’ are kaya’ ub’ixik panoq che ri Organismo Judicial ri’ rech kumaj patan ilonik chech ri’ xuquje’ xaq xu’ wiri’ chik ketaq pa taq ja kunanib’al yowab’ we jeri’ kutaq ub’ixik ri Instituto Nacional rech Ciencias Forenses (INACIF). Pane’ b’a’ xkub’isaj ub’ixik ri’ che eri e ajq’atol tzij ri’ ri ketaqan b’ik kech ri e ajpache’ ri’, pa uq’ab’ b’a’ k’o wi rech ke’utaq b’ik ri’.

Eri ajpatanel xuya’ ub’ixik che are wa’ jun chik chomanik kab’an k’a pa Komon Chomanem pa Wokajilal ri’, ri xkoj ri’ rumal ri K’amal b’e Amaq’ Jimmy Morales, k’a chi’ k’u ri’ kachomax ukojik ri’ pa taq le rachoch ri Hospital Militar pa le zona 16 ri’, rech pa le kilik kikunaxik ri e ajpache’ ri’.

“Eri Ministro rech ri Defensa Williams Mansilla are jun pa komonchomanik ri’, kojtajin k’ut che reyexik ri k’isb’al uk’u’x chomanik ri’ ri’ chi rij we kakoj ri’ ri uk’olib’al ri Hospital Militar ri’ pa le kikunaxik ri e ajpache’ ri’”, xcha’ ri Rivas.

Eri q’atb’altzij ri’ we b’anow chomanik ri’ are rech pa aninaqil kachomax ri’ rech b’a’ kek’am ta chik pa le ja kunanib’al yowab’ ri’.

“Ri uj keqaya’ ta k’ut pa k’ax ri winaq tinamit e aj iximulew ri’ aretaq kek’am b’ik nik’aj e ajpache’ b’anol k’ax pa kunanem ri’, we jeri’ kaqab’ano xa’ kaqaya’o qib’ pa k’ax ri’, kuk’ ri e utz taq winaq e ajchak ri’, kuk’ ri e ajchajil kech e ajpache’ ri’ xuquje’ ri eqa’lenelab’ rech ri Wokajil Ajchajil Tinamit ri’”, xcha’ ri Rivas.

Xuquje’ are kaqeyej jas ri kub’ij chik ri Organismo Judicial ri’ rech kachap uwach ub’anikil kakoj ri’ ri rech videoconferencia xuquje’ ri kopanik ri q’atol tzij pale SP, rech kek’am ta chi b’ik ri e japache’ ri’.

COMPARTIR