K’o jo’lajuj q’inomalil rajilab’al raqan tiko’n rech Amapola xesataj pa le ukab’ q’ij ri’

Eri q’atb’altzij pa le ukab’ q’ij resaxik tiko’n maj pa usaqil chi uwi’ juyub’ rech San Marcos xkiya’ ub’ixik che we kamik ri’ k’o chik 15 q’inomalil 132 mil 257 rajilab’al raqan tiko’n rech Amapola che ri katajin resaxik ri’, are wa’ xesataj pa 476 chi peraj taq juyub’, junam kuhb’an ruk’ pa 309 mil 506 pa kajtzalajil peraj juyub’ ri’.

Eri K’amal b’e rech ri Subdirección General rech Análisis xuquje’ Información Antinarcótica (SGAIA), Yodzaida García xub’ij are wa’ junam ruk’ pa upwaqil amaq’ ri’ 378 millones 306 mil 425 q’uq’pwaq xuquje’ pa dólares pa ronojel ri’ are 51 millones 321 mil 509. 28.

Are wa’ sib’alaj xya’taj ub’ixik che ri uxe’ ri awan ichaj ri’ are xopan pa 60 millones 908 mil 619, xuquje’ rumal ri’ are wa’ jun nimachak xb’antaj kumal ri eqa’lenel xe’esan ri’ reqa’lenel ri SGAIA ri’, xuquje’ konojel rajchak rech ri pa kawokajil ri e Ajchajil Tinamit xetob’an chi’ ruk’ ri Wokajil Ajchajil Amaq’ Iximulew ri’, ruk’ rachb’ilanem ri Ministerio Público, pa jun esal chi’ ri jun awan b’anow taq tiko’n ri’.

Pa le urox q’ij eri resaxik ri awan tiko’n ri’ are katerenb’exik resaxik ri’ kumal ri sak’ajil ajchajinelab’ xuquje’ ruk’ ri jun b’anikil cholchak ri’ rech are wa’ pa jikomal utzilem xel pa juntir chi’, ruk’ majun ta b’anow k’ax ri’, xcha’ pa le jun riqb’al ib’ rech chomanem xb’antaj kuk’ pa kawokajil ri e ajchajil tinamit ri’.

Eri utzalaj uchakuxik resaxik ri awan tiko’n ichaj xb’an pa San Marcos ri’

Aretaq xya’taj jun nimalaj ki’kotirsanik ri’ eri k’amal b’e ri wokajil ajchajil tinamit pa komochak xkib’an ri esan awan tiko’n chi’ jeri’ xya’taj ub’ixik ri’ che k’o 5 millones 908 mil, 860 raqan tiko’n rech Amapola, are 24 millones 289 mil 290 uxe’al ri’, ri xesaxik pa 184 peraj juyub’ ri’, junam ruk’ pa 121 mil 566 kajtzalajil, 12 . 85 hectáreas ri’.

Pa ronojel are ri’ 147 millones 721 mil 500 xuquje’ e pa dólares are ri’ 20 millones 35 mil 521.