K’o jun achi xchapatajik reqam pwaq maj pa usaqil ri’

246

Aretaq xb’an k’i taq tzukunik xuquje’ solowachinik kumal ri eqa’lenelab’ rech ri Wokajil Ajchajil Tinamit (PNC), k’amom kib’e rumal ri Ministerio rech Gobernación xuquje’ kumal q’atol tzij rech ri Ministerio Público (MP), k’o jun nim tzukunik xb’an pa le 13 avenida, 23-18, Villa Lobos I, zona 12 rech Villa Nueva, chi’ xchapataj wi’ ri a Luis Antonio Andino García, 33 ujunab’, ri k’o k’i pwaq b’otolik pa rachoch ri’, ri maj pa usaqil ri’, xecha’ ri q’atb’altzij rech ajchajil tinamit.

Aretaq xb’an usolixik pa rachoch ri’, eri eqa’lenel rech ri PNC xuquje’ rech ri MP k’o Q. 78 mil 800 xkiraq chi’, jalajoj taq wujpwaqil rech pa we amaq’ ri’.

Rumal ri’, Andino García, kab’ixik eri umak are poq’san pwaq maj pa usaqil ri’, rumal xk’am b’ik pa q’atb’altzij ri’.

Are wa’ uwach kichak patan ri q’atb’altzij rech ri Ministerio rech Gobernación kuk’ ri winaq tinamit, kuk’ ri wokajil e ajpoq’sal meb’il jeri’ pa naj taq tinamit ri’.