K’o jun ala xchapatajik ruk’ jun k’aqb’al xesax ruk’

77

 

Eri tzukunelab’ rech Q’atel b’anow k’ax che kik’aslemal winaq ri’ xuquje’ rech ri Sección Contra Femicidios rech ri Wokajil Ajchajil Tinamit k’o k’i tzukunem xkib’an pa taq le zonas 1 xuquje’ 6 rech pa nimatinamit, pa komonchak ruk’ ri Ministerio Público, sib’alaj k’o tzukunik xkib’an ri’ rech uterenb’exik utzijolil rech jasche xkam ri jun ixoq ri’.

Pa taq le tzukunem xb’an we kamik k’o jun k’aqb’al xraqik, are wa’ katajin utzukuxik uwach we kojom ri’ pa taq nik’aj chik k’aqanem.

Eri tzukunem are xb’anik rech xnaqijix utzijol jasche xkam ri jun ixoq ri’, pa le 25 rech abril rech ri junab’ 2019, pa le avenida El Ferrocarril xuquje’ 1ª calle C rech ri zona 1 ri’.

Rumal wari’ iwir pa le 14 avenida xuquje’ 7ª calle rech ri zona 1, xchapataj jun ala 15 ujunab’, are taqom uchapik rumal ri Q’atb’altzij rech pa tinamit Iximulew ri’, pa le 23 rech mayo rech ri junab’ 2019, rumal chi rij ri kamisanik ri’.

Xuquje’ kab’ixik, k’o jun chik ala xuquje’ xchap kanoq ri’, kab’ixik eri e are ri’ e uwinaqil ri mara Salvatrucha.