K’o jun molaj chakub’al rech ilb’al ya’olchajinik xuquje’ ruk’ kemamtzij rech ri PNC xsipax ri’

199

Eri k’amal b’e rech ri Proyecto Research Triangle Institute( RTI), k’o jun b’anow sipanem xkib’an ri’ aretaq xkiya’ loq jun molaj kematz’ib’ab’al ruk’ esal rachib’al ya’olchajinik are xkiya’ chi ke ri eqa’lenel rech ri Wokajil Ajchajil Tinamit (PNC) rech Masagua, Escuintla, are wari’ rech katerenb’exik uto’ik uwach ri ya’olchajinik kumal ri ajchajil tinamit ri’.

Eri jun b’anow sipanem ri’ are xya’taj che ri k’amal b’e rech ri Comisaría rech pa tinamit rech Escuintla, Comisario José Armando Sic Camó, ri ajkalte rech Masagua, Israel Castillo xuquje’ ri wokk’amal b’e rech ri RTI, Raquel Ovalle.

Eri rajil pa ronojel ri’ are Q.505 mil, eri jun molaj jastaq chakub’al xsipax loq ri’ are uwach lajuj kematz’ib’ab’al rech keqaxik k’o pa uchiyb’al rech, ruk’ jun kematz’ib’ab’al rech pa uwi’ che’b’al, ruk’ lajuj kolib’al ub’i’ USB, ruk’ jun raq’ansab’al uqul b’ix tzijonem, ruk’ keb’ proyectores xuquje’ cañoneras, ruk’ jun cámara digital, ruk’ 11 tz’ajb’al wujil xuquje’ ruk’ 17 cámaras rech ilb’al ya’olchajinik.

Eri q’atb’altzij ri’, xkib’ij eri jachakunb’al rech video vigilancia are kak’oji pa rachoch q’atb’altzij rech Masagua xuquje’ are kachakux kumal ri eqa’lenel rech ri Wokajil Ajchajil Tinamit xuquje’ rumal ri’ Ajchajil K’utb’e rech pa Tinamit ri’.