K’o jun nim chak rumal ri PNC are kaq’alajin pa uq’ajik uchuq’ab’ ri b’anow k’ax

288

Pa le riqb’al ib’ xsik’ix wi pa le Comisión rech Gobernación rech ri Congreso rech pa Amaq’il, eri Viceministro rech Ya’olchajinik Ricardo Guzmán ruk’ ri k’amal b’e rech ri Wokajil Ajchajil Tinamit, Nery Ramos Ramos, xkiya’ k’ut utzijol chi rij xq’atataj uchuq’ab’ ri b’anow k’ax kamisanik are wari xb’antaj kowinem ruk’ pa le junab’ 2017 are uwach ri chakunem rech sak’ajil tzukunik ruk’ ya’olchajinik ri’.

Eri k’amal b’e Nery Ramos, xuya’ ub’ixik che aretaq xb’antaj uch’ob’ik rij ri xchakuxik pa we junab’ ri’ are ri’ xya’taj ub’ixik utzijol ri’ che ri b’anow k’ax are xutun rib’ pa 13% junam ri’ kunb’ij che ri 3,132 b’anow k’ax ri’a re xb’antaj ta chik pa we amaq’ man junam ta ri’ ruk’ rech pa le junab’ 2016.

Eri chak che ri b’anom rumal ri PNC are rech xeq’atexik e 79 chi molaj b’anol k’ax kamisanik ri’ e are k’ut tajin xkib’an toq’inik pwaq, xkib’an elaq’an winaq, xkib’an b’anow kamisanik, k’o elaq’ xkib’an pa taq kachoch winaq, k’o winaq xkib’an k’ax che kik’aslemal, k’o ixoqib’ xkikamisaj ri’, k’o poq’san pwaqil man pa usaqil xkib’an ri’, k’o wuj rech esal pwaqil xkesaj rachib’al k’o winaq maj pa usaqil xkik’am b’ik ri’ xuquje’ k’o elaq’ xkib’an pa ub’anikil aduanera rii’.

Xb’antaj kowinem k’ut xechapatajik e 58 mil 295 chi winaqil xuquje’ k’o 4 mil 143 chi k’aqb’alil xraqataj ri’ are wari sib’alaj maltyox che ri chak patan kech sak’ajil tzukunem ya’olchajinik ri’ rumal ri’ e k’o 800 molaj b’anol k’ax e k’o pa q’atb’altzij chi rij taq b’anow k’ax ri’ ruk’ wari x’antaj kowinem xq’atatajik rech xekamisax ta chik e 1 mil chi winaqil ri’.

Eri b’anow k’ax are che umeb’il amaq’ ri’ junam ruk’ are xq’atatajik pa amaq’ tinamit man junam ta ri’ ruk’ ri xq’atataj pa le junab’ kanoq, jacha’ b’anow elaq’ ruk’ elaq’an kejach’ich’ rumal ri’ k’o 493 k’o pa q’atb’altzij ri’ junam ruk’ pa jun 9% ri’; e k’o 653 chi ch’ich’, pa 19% ri’; pa 192 ri’ b’anow elaq’nik xuquje’ b’anow elaq’ chi ke wianq ri’, pa 15% ri’; e k’o 321 chi k’aqb’alil junam ruk’ pa 27% ri’ xuquje’ pa 277 b’anow pa taq achochib’al junam ruk’ pa jun 33% ri’.

Xuquje’ xk’ulmatajik 674 b’anow sakonik ri’, junam ruk’ pa jun 13%, k’o 64 chi kamisanik xb’antaj ta chik ri’, junam ruk’ pa 2%; k’o 397 b’anow ch’ojinik pa taq achochib’al ri’ junam ruk’ pa 24% ri’; k’o jo’ob’ winaq xeleq’ax ta chik, junam ruk’ 19% ri’ xuquje’ k’o 19 b’anow k’ax chi ke ixoqib’ xb’antaj ta chik, junam ruk’ 4% ri’.

Eri k’amal b’e rech ri wokajil ajchajil tinamit xub’ij che pa we junab’ ri’ are sib’alaj xchakuxik ri nimalaj ya’olchajinik, tzukno’jchak, sak’ajil ya’olchajinik xuquje’ q’atel b’anow k’ax are wari xuya’ jun nimalaj kub’sib’al k’u’x chi ke ri winaq tinamit e aj iximulew ri’.

COMPARTIR