K’o jun nimalaj ilonem chajinik pa ronojel taq japache’ rech pa we amaq’

141

 

Kojtajin b’a’ che jun nimalaj komon chajinem kuk’ ri Wokajil Ajchajil Tinamit pa le jun cholchak rech ya’olchajinik pa taq le 21 japache’ tz’apib’al ri k’o pa kiq’ab’ ri Q’atb’altzij rech ri Sistema Penitenciario, jeri’ xuya’ ub’ixik ri q’atb’altzij rech rech ri taqawokajil ri’ Camilo Morales Castro.

“Kojtajin chik che chakunem ruk’ ri PNC pa komonb’alil kuk’ taq ri wokajil ajchajinelab’ rech ub’eyal chajinik ri’, kuk’ ri’ k’o ya’olchajinik kakib’an ri’ rech q’atel k’ax, k’o chajinik kakib’an paq’ij jeri’ chaq’ab’ pa taq le japache’. K’o jun nimalaj komonchak kab’an ri’ rech kesolixik ri winaqil ke’ok pa taq ch’ab’enik ri’ xuquje’ kuk’ ri unidades K-9 ri keraqataj pa chajinik pa we amaq’ ri’”, xcha’.

“Ronojel ri’ are taqim ruk’ kakub’isaxik kachajixik ri winaqil ri’ kumal ri e ajchajinel chi ke ri e 24 mil 749 chi winaqil e tz’apilik pa we amaq’ ri’”, xcha’.

Eri Morales, xub’ij eri taqim ub’anik pa we junab’ ri’ are rech kajunumisaxik ri chakunem b’anom pa le 2018, chi’ k’u ri’ xya’taj ub’ixik  majun b’anow k’ax b’anom tane’ pa ta japache’ ri’, xuqsuje’ rumal ri’ pa le waqib’ rech abril k’a pa le 22 rech pa le ik’ ri’, are chi’ kemol konojel ri e ajchak ri’, konojel ri e ajkunanelab’, ri e ajno’jimnelab’, rech enfermería, konojel k’ut kek’oji pa amaq’el ri’, rech pa aninaqil ke’ilonik wexa’ k’o kak’ulmataj ri’, xcha’ ri ri k’amal b’e rech ri japache’ ri’.