K’o jun nimcholb’inem xb’anik chi rij ri joremal, rech kepixb’axik ri winaq tinamit chi rij ri b’anow k’ax kek’am wi b’ik ri winaq ri’

118

Eri Viceministro rech Q’atel b’anow k’ax ri’, Axel Romero xtatb’en pa le jun nimcholb’inem ub’i’ “Caminata por la Paz” are xwok uwach rumal ri Secretaria rech Q’atel b’anow k’ax rech achk’ulaj ri’, rech q’atel kiminik winaq pa itzel b’anow chak ri’ (SVET) rech kepixb’ax kino’jib’al kichomab’al winaq ri’ chi rij jun b’anow k’ax kab’an chi ke winaq ri’.

Eri b’anow k’ax chi ke winaq ri’ eri ub’anikil ri’ are ketzukuxik, kek’am b’ik pa ch’ich’ erelwinaq ri’, keq’axaxik pa nik’aj chik tinamit rech jun xuquje’ e k’i winaq kab’an k’ax chi ke ri’, are wa’ jun k’axk’olil kakik’ulmaj achijab’, ixoqib’ xuquje’ ak’alab’ ri’ pa juntir amaq’ tinamit ri’.

Eri Viceministro Romero xuya’ ub’ixik che katajin che ya’oltob’anik pa le jun choman cholchak ri’ rech pa le kapixb’axik ri winaqil ri’ xuquje’ are wa’ chak patan rajawaxik kaq’atexik pa komonb’al ri’.

 “Rajawaxik b’a’ kaqak’am uq’ab’il uchomaxik rij k’a pa taq le qachoch, pa taq le qakomon winaqil ri’ rech keqapixb’ej ri qalk’uwal taq ali taq ala ri’ rech kachomarik ri ya’b’al tob’anik chi ke ri’ xuquje’ rech keqaj ta pa b’anow k’ax ri’”, xcha’ ri Romero.

We jun b’anow chak patan ri’ are xb’antajik rech kepixb’axik ri winaq tinamit chi rij rajawaxik kakiya’ loq ub’ixik wexa’ k’o b’anow k’ax kakilo pa we amaq’ ri’, are rech b’a’ eri q’atb’altzij kaketa’maj nik’aj b’anow k’ax ri’ xuquje’ are rajawaxik kachomaxik rech kaq’atexik ri’.

Eri Tercer Viceministerio rech Q’atel b’anow k’ax ri’ are katob’an ruk’ le SVET rech kuya’ ub’ixik chi rij ri ub’anikil B’anow K’ax chi ke ri ak’alab’ taq ala taq ali xuquje’ chi ke alab’om alitom ri’, pa le ub’anikil uchak upatan ri programa Escuelas Seguras xuquje’ eri kechakun chi rij ri’ pa taq ri 170 uq’ab’tinamit ri’ are ri komon winaqilal ri’.

Pa le cholb’inem ri’ xetatb’en wi ri k’amal b’e rech taq ri Ministerios rech ri Defensa,rech Tijonem xuquje’ rech Chakunem,  rech ri Superintendencia rech Administración Tributaria (SAT), rech ri Organismo Judicial (OJ) xuquje’ rech ri Ministerio Público (MP) kuk’ ri k’amal b’e rech ri komon winaqilal ri’, kuk’ juntir ri ajkojol tzij ri’, kuk’ ri cooperación internacional xuquje’ ruk’ ri komontyox xuquje’ ruk’ ri b’anow tijob’enik ri’.

Eri q’atb’altzij xkiya’ k’ut ub’ixik che we kichak patan ri’ are uq’atexik ri jun k’axk’olil ri’ xuquje’ rech kakik’utu ri kupatanij we jun pixb’anem ri’ che ri ketajin che upatanixik uwach ri wokajil rech ri taqawokaj ri’ ruk’ ri komon winaqila ri’ pa le uq’atexik ri b’anow k’ax chi ke le winaqil ri’.

COMPARTIR