K’o jun puq kejach’ich’ che ri xechap kanoq pa le ya’olchajinik ub’i’ Operación Harley

217

Eri uwach taq ri q’atel b’anow k’ax, rech maj b’anow k’ax ri’ xuquje’ rech maj b’anow k’ax kamisanik chi ke ri winaqil, eri Wokajil Ajchajil Tinamit k’o jun nim ya’olchajinik xub’ano ub’i’ Operación Harley, ruk’ wa’ xb’antaj kowinem xb’an jun tzukunem chi ke ri winaq xuquje’ ri ch’ich’ e b’inisam ri’ kuk’ ri kejach’ich’ pa le calzada Roosevelt, zona 11 ri’.

Pa le kasolixik ri’ xilik che e k’o e ajb’insal ch’ich’ ri’ taqom kichapik ri’ rumal ri’ xkoj pa we ri’ ri ub’anikil digital MI-3 xuquje’ ri ch’ich’ xuquje’ kejach’ich’ rech xkilo we k’o pa saq kiwujilal ri’ xuquje’ we man k’o k’exom chi ke ri’.

Pa ronojel ri’ e k’o 1200 e ajkejach’ich’ xil katzijol ri’, e 60 chi ke xeraqatajik man k’ot kiwuj rech kakib’inisaj ch’ich’ ri’, e k’o 10 kejach’ich’ xeraqik man k’o kitaretal jeri’ maj kiwuj rech keb’inisaxik xuquje’ xraqataj jun k’exom uchasis ri’.

K’o 200 tojb’al xoksax ri’ (rumal man kiwuj keqam ri’, rumal eri kiwuj maj chi upatan), k’o 500 wujil esam chik, k’o 20 solinem xb’an ri’ xuquje’ k’o jun winaq xchap xk’am b’ik pa le Gabinete Criminalistico rumal man tz’ib’atal taj pa Renaq xuquje’ eri MI 3 xk’utunik che ri uwujil man tzij taj.