K’o jun xik’ach’ich’ ruk’ jun ch’ich’ kab’inisaxik ruk’ awan jastaq xraqataj ri’

134

Eri Quinto Viceministerio Antinarcótico, pa komonb’al ruk’ ri SGAIA, ri Grupo Halcones xuquje’ ri COFEN, k’o jun alaj xik’ach’ich’ ruk’ jun ch’ich’ ruk’ awan jastaq maj pa usaqil xraqataj chupam ri’ pa jun uqajib’al xik’ach’ich’ k’o pa le taq’aj juyub’ rech Mariscos, Izabal, rumal k’u ri’ xechapataj e kajib’ winaq chi rij ri’ chi’.

Eri alaj xik’ach’ich’ are jun Piper Seneca II umatricula N742MC saq kaka’y rij ruk’ rinaj q’eqq’oj ruk’ chaj rij, upetik pa taq taq’al rech venezolanas, pa jun utalak’ we jun awan uq’ajib’al rech ri’ xraqataj wi jun ch’ich’ Camioneta chajchoj rij, jeri’ jun jukub’ rech pa uwi palow ri’.

Aretaq xeraqataj ri winaq xechapataj ri’ xek’aqan chi ke ri e ajchajil tinamit che ri xeraqowik, pane’ jewa’ xkib’ano xechap k’ut xeyutik xuquje’ pa komon kumal ri’ Fuerza de Tarea Interinstitucional Chorti, rech xechap b’ik ri’.

Eri xechapataj ri’ xch’ob’ kuwach e are ri’ a Cesar Vasquez Diaz 28 ujunab’, a Mariano Cucul 46 ujunab’, a Francisco Ical Caal 36 ujunab’ xuquje’ a Jaime Lorenzana Gomez 39 ujunab’ ri’, konojel ri’ e aj iximulew ri’.

Pa le b’anow tzukunik ya’olchajinik xraqataj ri 476 chi pisob’al, jun granada rech poq’anik, jun uk’olib’al raqarik k’aqb’al, keb’ kuchb’al k’aqb’al, keb’ alaj k’aqb’al jun Pietro Beretta eri jun chik are Arcus, jun machat, jun ch’a’wb’alil k’o ujek’ib’al retal, oxib’ ch’a’wb’alil q’axaltzij, jun raqawik k’aqb’al, jun raqarik k’aqb’al 12; oxib’ ch’a’wb’alil rech uwachwuj, jun camioneta Toyota 4runner, jun pick up Toyota, keb’ playeras rech militar xuquje’ jun arnés rech eqam, rax kaka’yik.

COMPARTIR