K’o k’ak’ retal eqale’nib’al xkojik rech na’tib’al ri taqanel che ri e kaminaq ri’  

239

Are retal nimalaj maltyoxinik chi ke ri eqa’lenel rech ri Wokajil Ajchajil Tinamit (PNC) che ri xekamik aretaq ketajin pa chak patan rech ya’olchajinik chi ke ri winaq tinamit ri’, rumal ri’ eri q’atb’altzij rech ri Ministerio rech Gobernación xuquje’ rech ri PNC k’o oxlajuj chi retal na’tib’al xkikoj ri’ rech kina’tixik ri e ajtaqanel xekam ri’ pa le loq ya’olchajinik ri’, are wari’ jun uwach uchak patan xub’an ri wokajil ajchajin tinamit ri’ pa le juwinaq junab’ xutz’aqatisaj pa we q’ij saq ri’.

Pa le loq’ ilb’anik ri’ xtatb’en wi ri Ministro rech Gobernación Francisco Rivas Lara ruk’ ri Viceministro Antinarcóticos Oscar Dávila; le Nery Ramos k’amal b’e rech ri Wokajil Ajchajil Tinamit (PNC), ri k’amal b’e rech ri Investigación Criminal Stu Velasco xuquje’ ri k’amal b’e Antinarcótica, Yodzayda García.

Xya’taj ub’ixik ri’ che pa we junab’ ri’ e k’o 39 chi eqa’lenelab’ xekam ri’ pa le unimaxik kichak patan ri’ pa taq le tinamit rech we amaq’ ri’. Xuquje’ pa le juwinaq junab’ ri’ e kaminaq chik e jun mil 600 chi eqa’lenel ri’ e 450 chi ke ri’ ketajin k’ut pa chak patan ri’.
Eri Ministro Rivas Lara, eri ib’anik ri’ xb’an che jacha’ tane’ jun b’anikil jitib’al chi ke ri eqa’lenel rech ri PNC ri’ che ri xkiya’o kanimanik pa we amaq’ tinamit xuquje’ chi ke ri winaq tinamit rech iximulew ri’.

“E 450 chi eqa’lenel rech ri PNC e kaminaq chik ri’ pa le juwinaq uwach junab’ che ri ok’owinaq chik, kuk’ ri 1 mil 400 che ri xekamik rumal jalajoj taq raqow k’ax xkik’ulmaj ri’ xuquje’ e 39 ri’ e kaminaq chik pa we junab’ ri’, rumal ri’ xaqab’an ri’ nik’aj retal na’tib’al kech ri’ rumal ri k’ax xkitijo pa taq le kichak patan xe’ok’ow wiri’”.

Xuquje’ eri Rivas Lara xuya’ ub’ixik: “eri PNC katajin kasaqirib’ uwach pa le loq’olaj uwach tinamit Iximulew ri’ che ri keraqataj wiri’”.

Rumal ri’ eri Nery Ramos, K’amal b’e rech ri PNC, sib’alaj xuya’ ub’ixik che nim upatan ri kichak kitaqkil ri e ajchajil tinamit ri’, “eri uj aj loq’ pa le qawokajil ri’”, uj k’i pa le qab’antajik ri’ che ri kojtajin che ri b’anow chak patan ri’, ruk’ ri retal na’tib’alil ri’ kaqana’taj kiq’ij kik’aslemalil ri loq’ taq eqa’lenel che ri xek’am b’ik ri’.

Eri PNC pa no’jimal ri’ kuk’am uchuq’ab’ ri’ xuquje’ kub’an ajno’jchakunel rech kuya’o kub’sib’al k’u’x chi ke ri winaq tinamit ri’.

COMPARTIR