k’o k’aqb’al ruk’ pwaq xraqataj pa jun achochib’al kech ri Marrocos

258

Are wari’ rech pa le uterenb’exik ri b’anow chomab’al rech kecha’ kuwach ri e ajchajil tinamit pa kiwokajil ri’, rumal ri’ k’o jun nim tzukunem ya’olchajinik xb’antaj pa taq le achochib’al ub’i’ Las Victorias, pa nimab’e kab’e pa Saqplow ri’, ajchoq’e rech ri jun taqanel chi ke ri nik’aj Marrocos, chi’ k’u ri’ xraqataj wi $29 mil 420 pwaq dólares, Q. 223 mil 975 chi pwaqilem ri’, ruk’ jalajoj taq uwach k’i taq k’aqb’al, oxib’ ch’ich’ keb’inisaxik, b’elejeb’ wujq’axb’al xuquje’ ruk’ nik’aj ilob’al q’ij jalajoj taq uwach ri’.

Eri ya’olchajinik ri’ are wa’ xb’antaj rumal ri Quinto Viceministerio pa reqale’nib’al ri viceministro Oscar Dávila , pa komonb’al ruk’ ri SGAIA-PNC y MP, pa le uterne’xik ri b’anow tzukunik chi rij taq ri’.

Eri ya’olchajinik ri’ are xb’an pa le ja k’olib’al k’o pa le rajilab’al 6 sector 21 Doña Francisca, Residenciales Las Victorias, kilómetro 38 pa nimab’e kab’e pa saqpalow ri’.

Rumal ri’  e k’o 31 chi winaqil xechapataj chi’ kab’ixik e winaq b’anol k’ax che ri kakeleq’aj awan kunb’alil ruk’ pwaqil ri’, kab’ixik e k’o 7 xek’oji pa PNC ri’.

E are wari’ xechapataj pa taq 90 chi b’anow tzukunem ri’ pa taq tinamit pa we amaq’.