K’o k’aqb’al xraqatajik are wa’ kakikoj ri’ ri wokajil ajchajil tinamit ri’

372

Are rech kaya’ uchuq’ab’ ri chak che ri katajin che ub’anik ri Wokajil Ajchajil Tinamit (PNC), rech katzukuxik rech jas kakoj wiri ri k’aqb’alil che tajin kesax pa kiq’ab’ ri nuk’wokaj kamisanelab’, rech are kakoj kumal ri wokajil ajchajil tinamit ri’, jeri’ utzijol xuya’ ri Ministro rech Gobernación, Francisco Rivas Lara.

Eri Rivas Lara xuya’ ub’ixik che ronojel ri k’aqb’alil ri’ are wa’ xeraqataj ri’ k’a pa le 2016 xuquje’ we kamik ri’ are katajin q’atoj tzij chi rij pa q’atb’altzij ri’, xaq xu’ wiri pa jun 25% kakoj chi ke ri’, rumal k’ut eri ronojel chi ke ri’ man utz ta kakoj ri’, rumal ri’ are wari kasach uwach ri’.

“Eri k’aqb’alil ri’ are xraqataj ri’ k’a pa le 2016 ri kopan pa waqxaqib’ mil pa rajilab’al ri’, e pa jun 75% man utz taj kakoj kumal ri PNC, rumal k’ut eri k’aqb’al kakoj pa le wokajil ri’ are k’o pa junamil uwach rech kakoj pa le ya’olchajinik ri’. Xaq xu’ wiri kekoj ri e utz ri’”, xcha’ ri taqawokajnel rech ya’olchajinik ri’.