K’o katajin uchomaxik rech kito’ik winaq e e to’m chi’

279

Eri q’atb’alttzij rech ri Dirección General rech Migración xemolin pa jun nimriqb’al ib’ ruk’ ri Alta Comisionada Adjunta rech Agencia rech ri ONU rech ri Refugiados, Kelly Clements, che ri are ri’ xjach wi runimal taq chak b’anom pa le kto’ik ri winaq e to’m chi’ pa Iximulew.

Eri riqb’alil ri’ are xb’an pa le Uq’ijol le Nimalaj Riqb’al ib’ pa Rulewal ri’ chi rij Ub’anikil Kato’ik xuquje’ Kachomaxik ri’ are wa’ xuya’ ub’ixik ri Alejandra Mena, ajtzijolinel rech ri Migración, che ri cholchak ri’ are utaqim uchomaxik ri rajawaxik pa le kto’ik ri winaq pa Iximulew ri’.

“We kamik ri’ kojtajin che uk’amik ub’eyal ri chomanik chi rij ya’el tob’anik chi ke winaq pa rulewal ri’, rumal k’ut eri Migración k’o pa reqale’nib’al ri ya’olchajinik rech tob’anik pa we amaq’ qatinamit ri’ xuquje’ k’a pa 2002 pa 2017 e k’o 370 chi winaqil ya’om tob’anik chi ke, k’o 719 rajilab’al tob’anik to’om chi’ xuquje’ e k’o 200 chi ke ri’ xeto’ik” xcha’.