K’o komonchak kab’an kumal ri taqawokajil rech q’atel b’anow k’ax chi ke winaq ri’

80

 

Eri b’anow chomanik ri’ are rech kakub’isaxik uwach ri q’atel b’anow k’ax chi ke winaq pa we amaq’ ri’, rumal ri’ eri Viceministerio rech Q’atel b’anow k’ax, pa komonchak ruk’ ri Crime Stopper, kamajtaj ri b’anow tijonik chi ke e ajb’inisal ch’ich’ rech UBER, chi ke ajchak rech taq warib’al ja xuquje’ chi ke ajchak rech taq xik’ach’ich’ are rech kakich’ob’ uwach taq ri b’anow k’ax ri’ xuquje’ are rech kakiya’ loq ub’ixik pa le uwachwuj pa kemamtzij pa k’amq’aq’nil ri’ ub’i’ plataforma virtual tupistagt ri’.

Eri viceministro Axel Romero, xuya’ ub’ixik che rumal ri uwach ri chak kab’an ri’, eri winaqil che ri kakitijoj kib’, e are k’ut qas kek’oji chi kinaqaj wa’ nik’aj k’ax ri’, rumal ri’ are wa’ k’o upatan chi ke rech karaqataj ri’, eri e are ri’ ke’oj pa le komonchak ri’ rech e are jun kakiq’atij uwach jun b’anow k’ax ri’.

“Chaqe uj sib’alaj k’o nim upatan kaya’ loq ub’ixik nik’aj b’anow k’ax ri’, rumal k’ut eri ya’el ub’ixik loq are kaq’ax pa uq’ab’ ri Wokajil Ajchajil Tinamit (PNC) xuquje’ are wa’ kuchakuj uwach ri tzukunem ri’, rech katerenb’ex rij ri’ xuquje’ rech k’o ri qas kachakux ri’” xcha’ ri Romero.

Eri b’anow tijonik ri’ are uwach ri komonchak kumal ri wokajilal chi kuwach ri Viceministerio rech Q’atel k’ax, ruk’ ri Crime Stoppers, ruk’r i Secretaría rech Q’atel k’ax Achk’ulaj, ruk’ ri B’anow k’ax chi ke winaq ri’ (SVET) xuquje’ ruk’ ri Instituto Guatemalteco rech Turismo (INGUAT) ri’.