K’o komonchak pa taqawokajil rech ya’b’al uchuq’ab’ kichapik e ajk’ayin awan kunb’alil

131

Pa we junab’ ri’ k’o nim tob’anik xuya’ ri Ministerio Público  (MP) pa le kichapik ri winaqib’ taqom loq kichapik pa jun tinamit, rumal ri k’ax kib’anom are e ajk’ayin awan kunb’alil chi ke qawinaq xuquje’ chi ke winaq kepe naj, jeri’ xuya’ ub’ixik ri Oscar Dávila Mejicanos, Viceministro Antinarcóticos.

E k’o k’iyalaj winaq xb’antaj kowinem xechapik e are k’u ri’ Manuel Felipe Arenales Monroy, alias “El Ducati”, ri Mynor Francisco Leonardo Cerón xuquje’ ri Elmer Abraham Ochoa Hernández e uwinaq ri’ ri jun molaj e b’anol k’ax are taqal kech a Francisco Monroy Meoño alias “El Fantasma”, ri xtaq pache’ pa Estados Unidos pa 2016 xuquje’chi’ eri comando antinarcóticos k’o jun nim chapem xub’an ri’.

K’a te ri’ xb’antaj kowinem xchapataj pa Iztapa ri Giovanni Divas Estrada, 44 ujunab’, alías “El Rey del Río ”, xuquje’ ruk’ ri taqal rech ub’i’ Germán Alfredo Cortéz Melgar, alías “El Capitán”  e uwinaq ri’ ri jun molaj b’anol k’ax ri’ ub’i’ “Buena Vista, Itzapa”.

“Ruk ri MP xqakoj ri ub’eyal komon ya’olchajinik rumal ri’ k’o utzalaj uwach xuya’ ri’ xuquje’ pa taq ronojel q’ij k’o ri utz kaqab’an ri’ xuquje’ rumal ri’ k’o nim taq tzukno’jchak katajin rech pa le kiq’atexik nik’aj mola b’anol k’ax e ajk’ayin awan kunb’alil ri’”.

Are katajin resaxik kichuq’ab’ ri molaj b’anol k’ax ri’

Eri Viceministro xuya’ ub’ixik chi rij ri jun winaq che ri xtaq b’ik pache’ naj ri’, k’o k’i itzelal uya’m kanoq chi rij ri’, xuquje’, rumal ri’ e k’o nik’aj kikaj ke’ok pa kik’axel ri’, rumal ri’ katajin ri tzukno’jchak ri’ rech keq’atataj pa konojel nik’aj molaj b’anol k’ax ri’.

“Uj kowoninaq taj e qaq’atim konojel ri’, rumal k’ut eri k’ayin awan kunb’alil are sib’alaj pa kutz rilik uchomaxik ri’, rumal wa’ kojtajin che kiq’atexik ri e ajtaqanel chi ke pa aninaqil ri’”, xcha’ ri Dávila Mejicanos.

COMPARTIR