E k’o 1 mil 800 chi winaqil rech 13 aldeas rech Sibinal, San Marcos, katajin kunanem chi ke ri’, eri uq’ijol b’anow kunanik ri’ are katajin rumal ri’ Ministerio rech Gobernación, pa le uchak ri Quinto Viceministerio antinarcótico, pa le tinamit ri’.

Eri b’anow kunanik ri’ are xmajtajik pa le aldea San José Santa Rita rech Sibinal, are wa’ kak’is ub’anik chi’ k’a pa jueves ri’, jeri’ kunanem katajin chi ke ri winaqil rech taq aldeas e k’o chi rij panoq.

Eri uwach taq ri kunanem katajin ri’ are rech kil juntir ri k’o chi ke, k’o kunanem chi ke ixoqib’, chi ke ak’alab’, k’o rech b’anow taq ultrasonidos xuquje’ ruk’ nik’aj chik uwach ri’.

Eri b’anow kunanem ri’ are katajin ruk’ katob’anik rajchak ri Wokajil Ajchajil Tinamit (PNC), ri Subdirección General rech Salud Policial, jeri’ rumal ri Ministerio rech Salud xuquje’ rumal ri Wokajil Ajchajil Amaq’.

Eri Retildo Bernabé Ventura, ri xopan chi’ pa b’anow kunanik ri’ k’a pa le aldea El Platanillo, rumal xopan che utzukuxik rech kakunaxik ub’oq’owach, xumaltyoxij ri kunanem xb’an che chi’ “xub’ij sib’alaj ki’kotem chuwe in xinpe chi’, rumal k’ut eri winaqil e jaqal chi’ qas naj k’ut keraqataj wiri’ xuquje’ eri centros rech salud naj ri’ e k’o wi’ chaqe” xcha’.