K’o na k’i b’anow tzukunem kab’an pache’ ri’

189

Are rech wa’ man k’ot jastaq maj pa usaqil kakikoj chi’ ri e ajpache’ rumal ri’ eri Ministro rech Gobernación Enrique Degenhart xuya’ ub’ixik che ri Wokajil Japache’ ri’ (SP) k’o jun molaj b’anow tzukunem xub’an chi’ are wa’ kak’iyirsax na ub’anik ri’.

“Pa le b’anow tzukunem ri’ k’o k’i lame’t rech tzam, rech cervezas xraqataj chi’, ruk’ ch’a’wb’alil k’o ujek’ib’al ri’, k’o raqarik k’aqb’alil, k’o poq’sab’al ri’, k’o tzaqb’al poq’sab’al xraqataj ri’ xuquje’ rumal ri’ eri b’anow tzukunem ri’ are kab’an na, jeri’ xya’taj ub’ixik kumal ri q’atb’altzij rech ri Wokajil Japache’ ri’”, xcha’ ri taqawokajnel rech ri ya’olchajinik pa amaq’.

ERI B’ANOW TZUKUNEM PACHE’

Pa le 27 rech enero pa le Wokajil Japache’ kech achijab’ rech ri zona 18 xuquje’ pa le Japache’ rech Ri Infiernito Escuintla.

Pa le b’anow tzukunem xb’antaj ri’: k’o 16 k’aqb’al xraqatajik, ruk’ 26 uk’olib’a upam, ruk’ 1,200 uqb’aq’, ruk’ 50 chi ch’a’wb’alil, ruk’ waqib’ nimpoq’sab’al ri’, ruk’ 18 pisob’al rech marihuana, ruk’ oxib’ kematz’ib’ab’al rech keqaxik, ruk’ 8 kolib’al USB, ruk’ 13 uwi’ ch’ich’, ruk’ oxib’ uk’olib’al ninb’al rech ch’ajb’al k’aqb’alil xuquje’ ruk’ kajib’ pisob’al ruk’ pwaq pa ronojel ri’ are Q37,861.

Xuquje’ eri wokajil ajchajil tinamit ri’: k’o 5 ya’b’al uq’aq’ rech ch’a’wb’alil ri’, keb’ ya’b’al uq’aq’ ch’a’wb’alil, 3 ilb’alq’ij kach’a’wik, 4 tzijb’al rech taluwach, 4 tob’al uqul kematz’ib’, lajuj chi machat, jun torb’al yutb’alq’ab’aj, jun kaminaq rech jun ajpache’ sachinaq pa 2016. Pa le keb’ b’anow tzukunem ya’olchajinik ri’ xetatb’enik e 600 eqa’lenelel rech ri PNC, SP xuquje’ MP.