K’o nim q’atenik xb’antaj chi ke ri b’anol k’ax e ajtoq’il pwaq, are terenb’im ri’

237

Eri Ministerio rech Gobernación pa le uchak patan ri Wokajil Ajchajil Tinamit xuquje’ are wa’ taqom rumal ri Ministro rech Gobernación, Enrique Antonio Degenhart Asturias rech qas keq’atexik ri nik’aj b’anol k’ax ri’, ri e ajtoq’il pwaq chi ke winaq ri’, we kamik rumal ri’ xk’o 13 chi b’anow tzukunik xb’antajikk rumal ri’ e k’o oxib’ winaq xechapataj ri’xuquje’ ruk’ jun taqal na ri’ pa Palín, Escuintla xuquje’ pa k’iyalaj taq wokja pa Uk’u’x Nimatinamit ri’.

Pa taq le b’anow tzukunem ri’ pa taq kachoch xechapataj wi pa le Sector 9, ja B-11, Valle de las Flores pa tinamit rech Palín, Escuintla a César Arnoldo García Guzmán uq’ab’em ub’i’ “ri jun aq” 27 ujunab’, Jonathan Isaú Macha López de 20 xuquje’ jun taqan 16 ujunab’ ri’, ri xek’am pa q’atb’altzij che kechomax wi ak’alab’ kib’anom k’ax.

Eri Pablo Castillo, ajtzijolinel rech ajchajil tinamit, xub’ij we nik’aj winaq ri’ k’o 87 ub’aq’ k’aqb’al rech 5.56 milímetros xraqataj kuk’, ruk’ keb’ k’olib’al ruk’ crack xuquje’ pwaq b’otolik ri’.

K’o jun ixoq ajk’ayil awan kunb’alil xchapatajik

Pa jun chik b’anow tzukunik xb’an pa jun ja k’o pa le 3ª avenida xuquje’ 7ª calle pa le zona 16 pa uk’u’x nimatinamit, xchapataj wi’ Karen Zulema García Pinzón 20 ujunab’ ri’, ruk’ xraqataj wi’ kumal ri e ajchajil tinamit, k’i k’olib’al taq ruk’ Marihuana, waqib’ ub’aq’ k’aqb’al rech 9 milímetros, jo’ob’ rij k’aqb’al kojom chik, jun pajb’al, waqib’ uchip ch’a’wb’alil, jun tub’ub’al awaj kunb’alil, jeri’ 707 pwaq, are wa’ esam chik chuwach ri awan b’anow k’ay ri’ che ri xraqatajik.

Eri xq’alajin chi kuwach ri PNC, eri ja che ri kojom pa le b’anow k’ayin junb’alil, xq’alajinik che are kojom che k’ayin kunb’alil chi’.