Are rech kojom ya’olchajinik rech kiq’atexik kakesaj b’ik kib’ ri e ajpache’ rumal ketajin na che uq’axik pache’ jastaq maj pa usaqil ri’, eri K’amow ub’e Japache’ ri’ (SP) k’o jun jumulaj b’anow taq tzukunik rumal pa taq japache’ ri’, chi’ k’u ri’ che pa jo’ob’ mil chik ri’ eri e ajpache’ kiwam jastaq maj pa usaqil chi’, rumal ri’ k’o k’aqb’al, awan kunb’alil xuquje’ ch’a’wb’alil xraqataj chi’.

Eri tzukno’jchak eri sak’ajil ajchajinelab’ pache’ xeb’anow rech ri’, xuquje’ rumal ri Inspectoría General, rumal ri Jachakunb’al rech Solwachil xuquje’ ri K’amow ub’e ya’olchajinik rech ri Wokajil Japache’ ri’, xcha’ ri Rudy Esquivel, ajtzijonel rech ri SP.

Ri xuya’ ub’ixik che ri Ministerio Público katajin che b’anow tzukno’kchak rech kusolij upam nik’aj pumpik ch’ich’, ruk’ kach’ob’ik chinaq xek’amow loq rech ri’ ruk’ ri jastaq kakol chupam ri’, rech k’o q’atb’altzij chi kij ri’, xcha’ ri ajtzijolinel rech ri SP.

 

Eri tzukunik xb’antajik pache’

Pa le k’isb’al wuqq’ij kanoq aretaq xb’antaj ri tzukuik chupam jun japache’ pa le Sector 11 rech Pache’ kech achijab’ ri’ k’o pa le zona 18 xuquje’ pa le jun ukab’ chik k’o Escuintla, eri keb’japache’ ri’ chi’ qas xraqataj wi jastaq maj pa usaqil ri’ che ri xk’am b’ik rumal q’atb’altzij rech k’o pa solixik ri’.

Eri Rudy Esquivel, pa le sector 11 chi’ k’u ri’ che ri xraqataj wi ri’ ri jastaq maj pa usaqil ri’ “eri tzukunik xuya’ pa saq ri’ rech xb’antaj kowinem xraqatajik jo’ob’ k’olib’em che ri k’o jastaq k’aqb’al, ch’a’wb’alil, alaj k’aqb’alil, ruk’ nik’aj chik uwach ri’, jacha’ puchb’al, marihuana xuquje’ pwaq b’otolik”.

Jeri’ pa le japache’ rech Escuintla chi’ xraqataj lajuj pajb’al rech marihuana ri’.

Pa k’isb’al rech, eri Esquivel xuya’ ub’ixik che ri ya’ltzijol ri’ ub’i’ “Makoj awib’ pa b’anow k’ax” xuquje’ ri ub’i’ “Ri talacha are ri’ jun b’anow k’ax”, are wa’ ri keb’ uwach ya’ltzijol ri’ ri qas k’o toq’inik kub’sib’al k’u’x xuya’ ub’ixik ri’ rech pa le uq’atexik ri jastaq maj pa usaqil pa taq japache’ ri’.

COMPARTIR