K’o nim tzukunik xb’an Pache’ ri’

544

Eri Ministro rech Gobernación Francisco Rivas Lara pa ya’olatzijolinik xuya’ ub’ixik chi rij ri b’anow tzukunik xb’an pache’ ri pa le k’isb’al wuqq’ij ri’ pa le Sector 11 rech Pache’ kech achijab’ k’o pa zona 18 ri’ chi’ k’u ri’ xraqataj wi 7 chi k’aqb’alil.

Eri taqawokajnel ri’ xuya’ ub’ixik che ri tzukunik ri’ are xb’antajik rech pa le utzukuxik jastaq maj pa usaqil chi’ rumal k’u ri’ k’o wuqub’ chi k’aqb’al xraqataj chi’.

Eri ya’olchajinem tzukunik xb’an chi’ chi ke ri winaq e tz’apil chi’, pane’ b’a’ xpe koyowal ri winaq e tz’apil chi’ pache’ ri’ eri q’atb’altzij rech ri Sistema Penitenciario (SP) xuquje’ ri Wokajil Ajchajil Tinamit (PNC) sib’alaj xekowin che kimulb’axik ri e ajpache’ che ri xpe koyowal ri’.

Eri b’anow tzukunik ri’ are xmajtajik pa taq le kajib’ kajb’al rech pa nimaq’ab’ chi’ pa sábado 18 rech noviembre ri’ xuquje’ are xk’isik pa nik’aj aq’ab’ ri’, chi’ k’u ri’ sib’alaj xetoq’ixik ri e ajpache’ pa jun chik k’olib’em rech xsolixik upam le k’olib’al keraqataj wi xuquje’ man b’anow ch’ojinik xkib’an ri’.