K’o nim ya’olchajinik ya’tal pa taq nimab’e pa taq Nimaq’ij Agostinas

133

Katajin k’ut uchomaxik che k’o jun nim ya’olchajinik kab’an chi ke ri winaq wa’katelab’ le naj kepe wi ke’opan pa Iximulew ri’ pa taq le Nimaq’ij Agostinas kumal ri q’atb’altzij rech ri Ministerio rech Gobernación, ri rech Wokajil Ajchajil Tinamit (PNC), ri rech Instituto Guatemalteco rech Turismo (INGUAT) xuquje’ ri rech ri Ministerio Público (MP) pa komon ri’ xetatb’en pa jun nim molin ib’ chomanik pa taqawokajilal ri’.

Eri utaqim ri’ are rech ya’talil jun nimalaj ya’olchajinik pa taq nimab’e rech kaq’atexik b’anow k’ax chi ke ri winaq wa’katelab’ ri’, rumal ri’ eri q’atb’altzij keta’m chik che chi nimab’e qas kab’an wi k’ax chi ke ri winaq e wa’katel ri’, jacha’ winaq salvadoreños, are wa’ sib’alaj katajin utzukuxik uwach ri’.

Eri Ludwig Godínez, woksolinel uchak patan ri Centro rech Comunicación Interinstitucional (CECOIN)  rech ri Ministerio rech Gobernación, eri chak rumal jun molaj b’anow chakunem ri’ ri are kub’ij rajawaxik k’ut kakoj jun utzalaj ub’eyal ri ya’olchajinik chi ke ri winaq e wa’katel ri’, rumal upetib’al chik ri Nimaq’ij Agostinas ri’.

“Kaqaj k’ut kaya’o jun utzalaj ya’b’al ilonik chi ke ri winaq e wa’katel che ri kepe pa we amaq’ ri’, xcha’ ri Godínez.

Pa le molin ib’ chomanik ri’ xetatb’enik q’atb’altzij rech ri División rech Seguridad Turística DISETUR, le taqanelab’ rech pa taq  comisarías rech Escuintla, Jutiapa xuquje’ Santa Rosa, ri Distrito Sur, ri División rech Operaciones Conjuntas (DOC) xuquje’ ri Molajil rech b’anow taq Tzukunik ri’, rech pa komon kakib’an loq uchomaxik ri cholchak rech b’anow tzukunik ya’olchajinik pa taq nimab’e ri’ k’a pa El Salvador k’a pa Nimatinamit rech Iximulew ri’ xuquje’ ri kopan pa taq uk’olib’alil b’anow wa’katem ri’.

Are wa’ le ukab’ junab’ chik che ri katajin uch’ob’ik wa’ jun molaj b’anow chomanik ri’, jacha’ ri’ uwach ri komonchak xb’antaj pa 2016 are chi’ xb’antaj kowinem xq’atexik jun molaj elaq’omab’ che ri kakib’an elaq’ chi ke winaq e wa’katel pa we amaq’ ri’.

We jun loq’ chomanik ri’ utz xkil ri winaq che ri kepe naj ri’, k’o jun utzalaj chakub’al xb’an chi rij ri’ aretaq xaq’an pa jun 60% chi ke ri winaq e wa’katel xepe pa qatinamit ri’ pa taq le nimaq’ij Agostinas xb’an ri’.

COMPARTIR