K’o nimalaj tzukunem katajin chi kij ri jun molaj b’anol k’ax Crazy Rich rumal toq’inik pwaq ruk’ kamisanik

192

Are rech b’a’ taqim kiq’atexik ajb’anol k’ax pa Chinautla, eri eqa’lenelab’ rech ri Subdirección General rech Investigación Criminal, rech ri Wokajil Ajchajil Tinamit, rech Antinarcóticos, rech Sak’ajil Tzukno’jchak, rech Fuerzas Especiales xuquje’ ri Antiexplosivos kuk’ ri q’atol tzij rech ri Ministerio Público (MP) rech pa nimaq’ab’ xkib’an 69 chi b’anow tzukunem rech kakitzukuj uwinaqil ri mara Crazy Rich rech barrio 18, kab’ixik are b’anow k’ax kamisanik ruk’ toq’inik pwaq kib’anom pa we tinamit ri’.

Eri wokajil ajchajil tinamit ketajin k’ut che katzukuxik uwinaqil we nuk’wokaj b’anow kamisanem ri’, kab’ixik k’o e 11 winaq kikamisam chi’.

Eri Pablo Castillo Ajtzijolinel rech ri Wokajil Ajchajil Tinamit, xuya’ utzijol che we kamik ri’ e k’o chik waqxaqib’ ri’j winaq e chapom chik ruk’ jun q’apoj ali ri’ kab’ixik e winaq b’anol k’ax, e are ri’ a Carlos Gerardo Estrada Teni, 24 ujunab’, alias “Liro Men” taqanel kech pandillero are kab’ixik katajin utzukuxik rumal b’anow kamisanik, choman b’anow k’ax, chi ke taq ri ch’ich’ rech erelwinaq ri’, ri are xchapatajik pa le 30, lote 28, Prados rech La Lagunilla rech San Pedro Ayampuc, Iximulew ri’.

Jeri’ xchapik a Wagner Noe Palma Zetino, 15 ujunab’, ri k’ax ub’anom: B’anow k’ax, xchapataj pa le lote 164 Colonia el Mirador, Aldea ri Durazno, Chinautla, Iximulew.

Al Josselin Fabiola Godoy Rodríguez, 23 ujunab’, ri k’ax ub’anom are xib’in winaq rech ke’ukamisaj xuquje’ b’anow k’ax maj pa usaqil, xchapataj pa le ja No 63, pa le sector 7, lote 1, Colonia San Julián.

Eri Jose David Garcia Guajaca, 20 ujunab’, ri k’ax ub’anom are choman b’anow k’ax ri’ xuquje’ b’anow xib’inik ri’, xchapataj pa le ja No 49, con direccion 14 avenida 38-54 Colonia San Julian Municipio de Chinautla.

Xuquje’ xchapatajik al Claudia Patricia muralles de León 35 ujunab’, ri k’ax ub’anom are kamisanik b’anow kamisanik ruk’ nik’aj chik b’anow k’ax ri’.

Eri jun chik xchapatajik are a Brian Alessandro Ruano Perez, 18 ujunab’, b’anow k’ax xib’inik xuquje’ unawalixik nik’aj b’anow k’ax ri’, xchapataj pa le lote 942 Avenida Justo Rufino Barrios.

Xuquje’ xchapatajik a Heyzel Jeannette Aguilar Pivaral, 22 ujunab’, ri k’ax ub’anom are b’anow taq k’ax rumal ri’ xchapataj pa le 4a avenida, manzana 7 lote 17 prados rech La Lagunilla xuquje’ al Lissi Claribel Patricio Morales, 27 ujunab’, ri k’ax ub’anom are b’anow taq k’ax xuquje’ xchapataj pa le 2da avenida A 17-44 colonia santa faz zona 6 tinamit rech chinautla, a Braine Antonio Palacios Arizandieta, 19 ujunab’, xchapataj pa le jun ja k’o pa le Avenida Alta Verapaz. Lote 2C, Colonia Santa Luisa Zona 6, rumal b’anow taq k’ax xuquje’ b’anow taq xib’inik ri’.

Eri b’anow tzukunem chi rij ri’ are xb’antaj 64 chi kij ri’ pa Chinautla, oxib’ pa San Pedro Ayampuc, ri jun chik pa Villa Nueva ri jun chik pa zona 12.

Eri pwaq ri’

Eri q’atb’altzij xkiya’ utzijol ri’ che ri ajtzukno’chak chi kij ri’ xkiq’alajisaj che ri jun molaj b’anol k’ax ri’ k’o toq’inik pwaq kib’anom ri’, rumal ri’ k’o Q. 6 millones xkimol pa jun junab’ panik’aj ri’.

Eri e are ri’ che ri xechapataj we kamik e uwinaq ri pandilla Crazy Rich, are taqal kech ri jun ajpache’ uib’i’ Andir Santana García Vásquez alias ri jun “Andy” xuquje’ “Spooky” kab’ixik utaqom kikamisaxik winaq ri’ xuquje’ b’anow toq’inik pwaq k’a pa japache’ ri’.

Eri b’anow tzukno’jchak chi rij ri’ are naj q’ij xumaj ri’ rech te k’u ri’ xtaq ub’anik tzukunem ya’olchajinik we kamik rumal wa’ e k’o chik e b’elejeb’ winaq e chapom chik ri’ ruk’ jun q’apoj ala xchap ri’.