Are wa’ kab’antajik pa le uloq’oxik uwach kchak kpatan ri Wokajil Ajchajil Tinamit (PNC), rech k’o utz ya’ochajinik chi’, are wari rumal xjaqataj ri K’ak’ Uk’olib’em Ya’olchajinik rech Gualán, Zacapa, rumal ri Ministro rech Gobernación, Francisco Rivas Lara, eri K’amal b’e Amaq’il, Jimmy Morales xuquje’ ruk’ ri K’ama b’e rech ri Wokajil Ajchajil Tinamit, Neru Ramos ri’.

Eri Rivas Lara, sib’alaj xuya’o ub’ixik che ri are kuterenb’ej ri chakunem rech b’anow utzilem chi ke ri winaqil e aj iximulew xuquje’ xuya’ ub’ixik che are wari jun chi ke le kajib’ le xjaqtaj pa le tinamit xuquje’ katob’an na ri’ ruk’ uq’atexik ri b’anow k’ax chi’, rech kak’oji jun k’amow ib’ chi kuwach ri ri e ajchajil tinamit kuk’ ri winaqilal chi’.

 

 “Rumal ri’ kinlinya’o jun sik’inem chi ke ri winaq tinamit ri’ rech ke’opan che ub’ixik chi’ ri b’anow k’ax kakilo kak’ulmataj chi’, xuquje’ ruk’ we jun loq Comisaría ri’ man xaq ta ri’ kaloq’ox uwch kipatan ri e ajchajil tinamit ri’, xane’ rech kechajin chi’ xuquje’ rech ke’ilon chi ke ri winaqilal ri’” xcha’.

 

Eri K’ama b’e Amaq’, sib’alaj xuki’kotirsaj ri taqawokajnel rech ya’olchajinik pa Amaq’il ri’, rumal k’ut le utzalaj chak upatan ub’anom ri’ pa le ya’olchajinik ri’, rumal k’ut are wari jun nimachak k’o chuwach le nim taqawokaj ri’.

Rumal eri K’amal b’e rech ri PNC, Nery Ramos, xuya’ ub’ixik che k’o e 80 chi eqa’lenelab’ kek’oji pa we jun Estación ri’ xuquje’ rumal k’ut chi’ nim upam kek’oji wiri, rumal ri’ e k’iyalaj e ajchajinelab’ kek’oji pa le juyub’ tinamit ri’, chi’ pa puqil kek’oji che b’anow tzukunik chi’.

 

Eri José Méndez, winaqil rech Gualán, kub’ij che sib’alaj k’o nim kupatanij kak’oji jun nim Comisaría ruk’ xyakik jun nimaja chi’ xuquje’ chi’ pa tinamit ri’, are wa’ k’o ki’kotem kuya’ chi ke ri eqa’lenel ri’, rech k’o kub’sib’al k’u’x ruk’ joremal kuya’ pa kanima’ ri’, rumal k’ut e k’i ri eqa’lenel kek’oji pa tinamit chi’.

Eri Comisaría k’o oxib’ upam uwach wokom ri’ aq’ansim ri’ rech pa le kipatan ri’, are wa’ xnajtib’ pa waqib’ ik’ ri’, chi rij wari k’o jo’ob’ q’inomalil chi pwaq xsach chi rij ri’.