K’o nimchomanik xb’an kuk’ winaqilal rech Sibinal rech ma kil panoq kuwach ri e ajk’ayin awan kunb’alil

256

Eri Viceministro Antinarcótico, Oscar Dávila Mejicanos xopan pa ch’ab’enik pa Tinamit rech Sibinal, San Marcos rech xopan pa le rilik le chak patan rech kunanem winaqil xb’an pa le Aldea Chocabj xuquje’ pa le Caserío San José, Santa Rita, chi’ k’u ri’ xekunax wi e 1,500 chi winaqib’ ri’.

Eri b’anow kunanem chi’ are xuwok rumal ri Uro’ Viceministerio rech katzukux b’anow chomanik kuk’ le winaq chi’ xuquje’ rech ketzijob’en kuk’ le k’amal b’e komon chi’, are rech kataqixik kiq’atexik le winaq rech ke’ok ta kuk’ ri e ajk’ayin awan kunb’alil ri’ jeri’ chi rij panoq che ri tikom wi ri amapola xuquje’ pa le k’ulb’a’t ruk’ México, chi’ che qas katik wi ri awan kunb’alil ri’ pa we amaq’ qatinamit.

Eri Viceministro Dávila xuya’ ub’ixik che k’o katajin unimaxik ruk’ ri tinamit rech Iximulew ri’ are rumal che ri xe’opan pa taq tinamit rech Sibinal, San Marcos, rech keb’ q’ij kunanem xkib’an chi’.

“E ub’anik le chak patan ri’ are xmajtaj loq k’a pa junab’ir kanoq pa taq nik’aj chik tinamit rech San Marcos, are wa’ le utz chak patan b’anom kuk’ le winaq e k’o panoq chi’, are xchomaxik ri rajawaxik chi ke xuquje’ rech keqato’o rumal kakitik ta chik ri amapola ruk’ nik’aj chik ri’”, xcha’ ri Dávila.

Eri Manolo López, Woksolinel Uchak Patan ri Consejo Comunitario rech Desarrollo (COCODE) rech San José, Santa Rita; xumaltyoxij ri tijowchuq’ab’ tob’anik che ya’om chi’ chi ke ri winaq kumal ri wokaj e ajkun ruk’ ri kunab’al xkiya’ chi’.

Are wa’ pa keb’ q’ij chik ketajin che kakunaxik ri 500 chi winaqil rech k’o kunanem xkib’an chi ke ri ixoqib’ chi’, jeri’ chi ke taq ak’alab’, jeri’ xkikunaj juntir le winaq ri’, xuquje’ k’o kunab’al xkiya’ chi ke ri e yowab’ ri’.

Eri taqawokajnel ri’ xub’an jun sik’inik chi ke le winaq tinamit chi’ rech kek’ok ta kuk’ ri narcotráfico xuquje’ rech kakitik ta chik awan tiko’n chi’ le maj pa usaqil ri’ are ri’ jun nim utzilem chi ke ri winaqilal ri’, rech chakib’ij maj che ri jun b’anow k’ax ri’ xuquje’ eri taqawokaj rech Iximulew ri’ pa le reqale’nib’al ri Uro’ Viceministerio rech Gobernación kunaqjij kito’ik ri winaqilal chi’.

COMPARTIR