K’o Q. 773 millones esan ichaj rech awan kunb’alil xesax ri’ pa le 2018

196

Aretaq xk’is ri kajib’ q’ij rech resaxik ichaj rech awan kunb’alil pa taq le caseríos xuquje’ pa taq le aldeas rech pa rulewal chi uwi’ taq juyub’ rech San Marcos eri rajilab’al ri tiko’n ichaj rech Amapola ri’ are wa’ ri xesax chi’ are kopan pa 30 millones 957 mil 181 raqan ri’, junam ruk’  773 millones 929 mil 525 chi pwaqil rech amaq’ Iximulew ri’ xuquje’ pa dólares pa ronojel are junam ruk’ 104 mil millones 950 mil 855.97. are wa’ ri xesaxik rumal ri Subdirección General rech Análisis xuquje’ Información Antinarcótica (SGAIA) ri’.

Eri taqanel e k’o chuwach ri jun nim nab’e esanik ri’ pa we junab’ ri’, xkib’ij che pa ronojel ri raqan taq tiko’n ichaj maj pa usaqil ri’ are xesax pa jun 884 peraj taq juyub’ junam ruk’ 610 mil 141 pa ukajtzalajil rech 61.014 hectáreas ri sib’alaj k’ax ri opanem chi’.

Eri jujun taq ichaj tikom ri’ k’o kajib’, waqib’, kab’lajuj xuquje’ k’o 18 uxe’ ri’. Eri rajilab’al ri xqupixik ri’ are 134 millones 887 mil 477 uxe’ pa ronojel ri’ are wa’ ri xqupixik xuquje’ ruk’ wa’ jun nim q’atenik xb’an chi ke ri molaj e ajk’ayin awan kunb’alil ri’, ri k’o pa kajib’ qupinik kakib’an ri’ rech resaxik uya’il ri’ rech kakikoj che b’anow awan kunb’alil jacha’ ri opoio xuquje’ ri heroína.

Eri Quinto Viceministerio Antinarcótico are xuta ri tob’anik xuquje’ ri b’anow komonchak kuk’ ri eqa’lenel che ri xb’e pa esanem ri’, jeri’ kuk’ ri Gepesistas, kuk’ ri aj dron, kuk’ ri e ajsuk’umal ch’ich’ rech ajchajil tinamit, rech e ajsuk’umal rech ri uch’ich’ ri SGAIA.

Xuquje’ xetatb’en chi’ pa kiwokajil ri División rech ri División rech ri Fuerzas Especiales rech ri Ajchajil Tinamit, rech Inspectoría General, rech ri Wokajil Ajchajil Tinamit, rech ri Hospital rech ri PNC, rech ri ambulancia militar, kumal ri eqa’lenel rech ri Escuadrón Antiexplosivos, kumal Digici, ri ORIS, ri UNESA, ri Ministerio Público, kumal ri Fuerzas de Tarea Tecun Uman, Chortí y Xinca, ruk’ utob’anik ri Embajada rech ri Estados Unidos pa le uchak patan INL, kumal ri unidades blindadas rech Jeep J-8, ruk’ taq grúa, kumal ri eqa’lenel rech ri wokajil ajchajil amaq’ ri xemolik pa le Base rech Operaciones rech Montaña (BOM) ri rachoch ujachakunb’al pa tinamit rech San Marcos, ri xub’ij ri’ che ronojel ri e ajchak kuk’ ri ajchajil tinamit xek’oji pa le q’ij chak rech jun esanem ri’.

Rumal ri’ e k’o 900 chi winaqilal rech taq taqawokajil rech ri wokom patanelab’ amaq’ ri’ xetob’an chi’ pa le resaxik jun nimalaj qupin tikon rech Amapola ri’ pa taq le uwi’ juyub’ taq’aj pa ub’antajil marquense ri’.