K’o scáner xkoj ri’ are kakoj pa le kichapik winaq b’anol k’ax ri’

148

Pa le keb’ ik’ chik kojom ri scáner chi kij ri winaq xuquje’ chi ke ri jastaq pa le Japache’ rech Ixoqib’, Santa Teresa zona 18, eri q’atb’atlzij rech ri Wokajil Japache’ xkiya’ ub’ixik ri’ che we jun no’jb’anikil ri’ are xto’nik rech xechap e lajuj chi winaqil chi’ rumal are xkaj xkikoj awan jastaq pache’ ri’.

Chuxo’l taq ri xraqataj ri’ k’o ri’: k’aqb’alil, pusb’al, puch’b’al, marihuana, torb’al ch’ich’ xuquje’ ch’a’wb’alil, jeri’ xuya’ ub’ixik ri k’amal b’e rech ya’olchajinik pa Wokajil Japache’ ri’, Luis Alfredo Morales, ri xuya’ ub’ixik che e k’o lajuj winaq xechapik rumal keqam pa taq kik’olib’al jastaq maj pa usaqil ya’tal taj kakoj chi’.

“K’a pa taq le japache’ ri’ eri scáner xtob’anik rech xechap e lajuj winaq chi’ rumal xkaj xkiq’axaj chi’ jastaq chi ke kachalal e tz’apil chi’, rumal ri’ xechap ri’ xuquje’ xetaq b’ik pa nim q’atb’altzij ri k’o pa torre rech tribunales rech kechomax pa q’atb’altzij ri’”, xcha’ ri Morales.

Eri Wilson Villalta, operador rech Scáner ri’, xub’ij che chupam taq ri jastaq xraqataj ri’ b’enaq wi ch’a’wb’alil, pwaq xuquje’ chokonsab’al ri’, “eri scáner ri’ are uya’om utzil pa le chak che ri katajin chi’ xuquje’ pa aninaqil xuq’alajisaj che k’o 15 chi jastaq maj pa usaqil kech ixoqib’ xuquje’a achijab’ ri kik’amom b’ik chi ke ri kakich’aplej ri’”.

Eri operador rech Rayox X, César Ralda, xub’ij che ri solinik chi’ are sib’alaj pa aninaqil jeri’ pa ronojel q’ij ri’ chi ke ri ke’opan pa japache’ ri’ pa konojel ri’ e k’o 500 pa 600 chi winaq che ri ke’opan che kich’ab’exik kachalal ri’.

“Eri scáner rech kakoj chi rij jun wianq kuk’ut ronojel ri reqam b’ik ri’, jacha’ le yach’b’al xe’upam ri’, k’olib’al upwaq, usu’t, ukatena, uch’a’wib’al ri’, torb’al ruk’ nik’aj chik ri’, rumal ri’ qas kab’an na rilik we man k’ot jastaq maj pa usaqil keqam b’ik ri’ winaq ri’”, xcha’ ri Ralda.

Eri scáner k’o pa taq le rachoch waqib’ wokaj japache’ ri’, are wari’: pa El boquerón, Cuilapa Santa Rosa, pa Japache’ kech Ixoqib’ Santa Teresa, zona 18, pa Centro rech Alta Seguridad Canadá, Escuintla, pa Japache’ kech Achijab’ rech ri zona 18, pa Granja Japache rech Pavón, Fraijanes, pa Granja Modelo rech Suk’umalil Canadá, Escuintla.

COMPARTIR