K’o tzukunem xb’antajik rech uq’atexik b’anow elaq’ chi rij kqajik ch’ich’ ri’

190

Pa le unimaxik uwach ri cholchak rech ri k’amal b’e b’anow tzukunik rumal ri’ Ministerio rech Gobernación pa le uchak patan ri Wokajil Ajchajil Tinamit (PNC) pa komonb’al ruk’ ri Q’atb’altzij rech Uq’atexik b’anow k’ax elaq’ rumal ri Ministerio Público (MP), rumal ri’ k’o 19 tzukunem xb’antaj pa taq jachakunb’al rech San Marcos, pa Uk’ux’ Iximulew xuquje’ pa taq le tinamit rech Villa Nueva xuquje’ Mixco, chi’ k’u ri’ xb’ixik che e k’o waqxaqib’ winaq xechapik, ruk’ jun ch’ich’ xraqatajik xuquje’ uwujilal rech b’anow qojom ch’ich’ che ri k’o tob’ab’al chi rij taq ri’ pa  2014-2015.

Pa nimatzijolinem ri’, eri subcomisario rech ri Wokajil Ajchajil Tinamit (PNC) Adán Amiltón Rodríguez, xuya’ utzijol eri xechapatajik e are ri’: a Felipe Estuardo Ozaeta Castellanos 48 ujunab’, a Manuel Efraín Castellanos Cóngora 41 ujunab’; ri Dino Fabricio Quattrini Gómez 51 ujunab’; a Raúl Arturo Valdez Castillos 52 ujunab’; ri Cinthia Lizbeth Villatoro Villatoro 48 ujunab’; ri Maura José Ortiz Estrada 32 ujunab’; ri Ileana del Carmen Tager Castellanos 47 ujunab’, jeri’ ri Ana Patricia Monge Cabrera 55 ujunab’ ri’.

Eri winaq che ri xechapataj ri’ kab’ixik eri kimak b’anow k’ax xkib’ano are wari’: Poq’san pwaq meb’il ruk’ nik’aj chik jastaq maj pa usaqil ri’, b’anow choman k’ax, b’anow elaq’nik, b’anow yoq’onik pa kchak patan, pa komonk’ax xkb’an ri’, are wa’ k’ax xkib’ano aretaq xkiqaj le ch’ich’ k’o tob’ab’al chi rij taq ri’.

Eri Ana Elena Guzmán, nab’e ajtz’ib’anel rech ri MP, xub’ij che are wa’ ukab’ uwach ri katajin uchomaxik chi rij taq ri ch’ich’ k’o tob’ab’al kojom chi rij taq, rumal ri’ xeq’alajin jun molaj b’anow k’ax ri’ kumal winaq e k’o che kipatan pa taq wokajil pa tinamit, e ajno’jinelab’ xuquje’ e ajchak, eri xkitaqij riij ri’ are b’anow taq elaq’nik pa le umeb’il ri taqawokaj ri’.

Pa le b’anow tzukunik ri’ pa le uq’atexik b’anow k’ax elaq’nik pa taqawokajil xetatb’en ri’ e 40 chi ajq’atol tzij rech ri Ministerio Público xuquje’ e 100 reqa’lenel ri Wokajil Ajchajil Tinamit rech ri Ministerio rech Gobernación ri’.