K’o utzalaj chak ub’anom chik ri jachakunb’al rech Antisecuestros

228

Xaq pa nimaq’b’ rech we kamik eri eqa’lenelab’ rech ri Subdireccion rech Investigación, comando Antisecuestros rech ri Wokajil Ajchajil Tinamit, ruk’ ri Fuerza rech Tarea Antisecuestros rech ri Ministerio rech Gobernación xuquje’ ri Ministerio Público k’o jun nim b’anow tzukunem ya’olchajinik xkib’an rech xkichapo jun molaj b’anol k’ax ri xkeleq’aj jun winaq ri’ pa Taxisco, Santa Rosa.

We kamik ri’ k’o q’alajisal kimak b’anol k’ax kumal ri keb’ winaq che ri xkichapo, jeri’ utzijol xuya’o ri Pablo Castillo ajtzijolinel rech ri wokajil ajchajil tinamit ri’.

Eri tzijob’al rech ri’

Eri Castillo xuya’ utzijol che ri aretaq xya’taj ub’ixik chi rij ri’ xmajtaj jun b’anow tzukno’jchak kumal ri wokajil ajchajinel rech antisecuestros xuquje’ xkilo che pa le Sábado 30-09-2017, pa le kajlajun kajb’al, eri xya’ loq ub’ixik ri are xel b’ik pa rachoch ri k’o pa jun aldea rech pa taq juyub’ Taxisco, chi rij jun kej rech xb’e pa jun pinka, pa nimab’e xb’e wi xq’atex ub’e kumal e kajib’ winaq achijab’, ruk’ k’aqb’al xkoj che xuquje’ xib’ix kumal nik’aj winaq ri’ che ri xel loq pa taq le q’ayes chi’, te k’u ri’ xumaj uch’ayik rech xtoq’ixik Q.25,000 chech rech te k’u ri’ xkimaj uta’ik toq’in pwaq pa jun ub’anikil In Situ ri’, chi rij ri winaq xchomaxik katojik Q. 15,000.

Eri winaq xkib’an che kumal nik’aj b’anol k’ax xkitzalij chik che ri xkik’am wi b’ik rech xuya’ Q. 12,000 rech kakib’an ta k’ax chi ke ri rachalal ri’.

Rumal pa aninaqil xe’opan chi’ ri comando antisecuestro ruk’ jun je’l b’anikil rech b’anow tzukno’jchak chi kij nik’aj b’anol k’ax ri’, eri ya’olchajinik xekowinik xkiq’alajisaj che ri nik’aj b’anol k’ax ri’ e are sib’alaj tajin b’anow elaq’ winaq xkib’an chi’ pa le juyub’ tinamit rech Taxisco, Santa Rosa.

Eri jun molaj b’anol k’ax ri’ e are tajin xkeleq’aj winaq chi’, eri katzijol ri’ k’o kuk’ ri winaq xkib’an k’ax chi ke ri’, rumal ri’ katajin rilik rech kab’an tzukno’jchak chi kij ri’, eri k’ax xkib’an ri’ are rech xkilo jas uchapik le winaq xkib’an ri’ xuquje’ ruk’ b’anow k’ax xkik’am b’ik le winaq rech xkitoq’ij pwaq chi kij ri’.