K’o ya’olchajinik chi ke ri pa Uwokajil ub’inik Zorro ri’

265

E k’o e 900 eqa’lenelab’ ajchajil tinamit pa konojel kechajin chi ke ri 32 mil e ajkejach’ich’ e b’enal ri’ pa unimaxik 57 junab’ chik ketajin pa le chapem b’enam ri’ le nima una’tib’alil ub’i’ “Ri Puqajil Ajkejach’ich’ kib’i’ Zorro ri’”, e are wari kechajix kumal ri (PNC) xuquje’ kumal taq pa kiwokajil pa le ya’olchajinik che ri kakib’an k’a pa viernes keb’ q’ij k’a pa le panik’aj q’ij rech domingo kajib’ q’ij rech ik’ febrero ri’.

 “Eri uj qachomam chik rech k’o ya’olchajinik chi ke konojel winaqil ri’ che ri keb’e pa b’enam pa Esquipulas chi’ k’u ri’ e k’o e 400 ajchajil tinamit kekoj ri’, xuquje’ e k’o 500 e ajchajil tinamit kechajin k’a pa Uk’u’x Nimatinamit ri’ jeri’ pa juntir ri nimab’e keb’e wiri”, xcha’ ri K’amal b’e rech ri Ya’olchajinik rech ri PNC, Rony Espinoza.

 

Eri Ch’ob’otal Ub’eyal Ya’olchajinik rech 2018 are uchomam ri’ rech maj raqow k’ax pa taq nimab’e ri’ xuuje’ rech maj raqow k’ax are pa umajik b’ik xuquje’ are k’isnaq chik ri jun nim cholb’inik b’enam pa tinamit la’, rumal ri’ e k’o jo’ob’ kejach’ich’ kakoj rech ri Lobos GRILL, ruk’ ri jo’ob’ kejach’ich’ rech ri Departamento rech Tránsito, ruk’ jun ambulancia rech ri Hospital rech PNC, ruk’ jun molaj e ajchajil tinamit rech ri Departamento rech Tránsito, xuquje’ ruk’ pa taq wokajil ya’olchajinik kukoj rumal ri Sub Dirección General rech Q’atel b’anow k’ax, xuquje’ e k’o rech taq ri Unidades rech ri División rech Seguridad Turística kakoj pa le nimatinamit rech Esquipulas, xcha’ ri Espinoza ri’.

“K’o uxulanib’al kakoj pa taq le nimab’e ri’ che ri ke’ok’ow ri kejach’ich’ chi la’ pa taq le kilómetro 73.5, 91.5, 126, 141, 146 jeri’ pa le uk’u’x tinamit rech Chiquimula xuquje’ pa le 171 ri’.

chi ka’kab’il e b’enaq chi rij taq kejach’ich’ ri’, xuquje’ ke’ilik rech maj tijow tzam pa taq le b’e ri’

Eri Taqanel rech ri departamento rech Tránsito rech ri PNC, Otoniel Sandoval, xuya’ ub’ixik chi rij taq ub’anikil ri pixb’anik chi ke ri ajkejach’ich’ rech kikojom tob’al kajolom keb’e ri’, xuquje’ xaq makik’am b’ik taq ak’alab’ pa uwi’ uk’olib’al ri q’aq’elja’b’al ri kejach’ich’ che ri kakik’am b’ik ri’.

“Pa juntir taq le nimab’e ri’ kakoj wiri ilb’al rech retaxik uchuq’ab’ urumumuxik ri kejach’ich’ kok’ow ri’ are chokonsab’al ri’ kakoj chi uchi’ taq nimab’e rech ketaxik we k’o tzam pa kalawalil le e ajkejach’ich’ e b’enaq ri’ we e q’ab’arel taj e b’enaq ri’”, xha’ ri Taqanel rech Tránsito.

Rumal ri’ eri Edy Villa De León ri “Zorro Mayor”, xuta chi ke konojel ri e ajkejach’ich’ e b’enal ri’ che xaq makitij tzam ri’, chakikojo b’a’ le tob’al kajolom, e ri utzil kuwach b’a’ kakik’am b’ik ri kakejach’ich’ ri’ xuquje’ xaq xu’ e keb’ winaq keb’e chi rij taq ri kach’ich’ ri’, xuquje’ pa nojimal pa jikomal keb’e b’a’ pa taq le nimab’e ri’ rech maj raqow k’ax kumal ri’.

Xrechb’ej rech xuya’ ub’ixik rech xuta chi ke ri e ajwa’katel ri’ rech pa utzilem b’a’ keb’e ri’ xuquje’ chakinimaj b’a’ ri q’atb’altzij kak’amow kib’e rumal k’ut e are e ajchajinel chi ke ri’, xcha’ ri “Zorro Mayor”.

“Sib’alaj kuwaj kinmaltyoxij che ri PNC rumal juntir ri ya’olchajinik kakiya’ chaqe pa taq qaw’akatib’al pa taq nimab’e ri’ jeri’ kojb’e jeri’ kojtzalij loq chaqij, maltyox b’a’ kojkichb’ilaj, sib’alaj nim upatan b’a’ kechajin chaqe konojel ri pa kiwokajil ri PNC ri’, are wa’ kuya’ uchuq’ab’ ri nimwokaj ri “Ucholwokaj ub’inik rumal ri Zorro ri’” rumal k’ut are wa’ jun loq’ Umeb’il Amaq’il ri’”, xcha’ ri Villa de León.

COMPARTIR