K’o ya’olchajinik pa le uq’ij tojb’al rech ri Bono 14

166

Rumal k’ut pa le wuqq’ij ri’, sib’alaj konojel ri e ajchak e aj iximulew katoj ri kiBono 14, eri Viceministro rech Ya’olchajinik, Ricardo Guzmán xuya’ utzijol che k’o jun nimalaj ya’olchajinik kab’an ri’ kumal ri Wokajil Ajchajil Tinamit are rech maj b’anow k’ax elaq’ chi ke ri winaq ri’.

“Chomatal chik ruk’ jun cholchak rech ya’olchajinik kab’an pa taq k’olib’emal che ri e k’i winaq keb’e pa taq pwaqb’al ja ri’ xuquje’ pa taq kakib’an wi loq’ow ri winaq ri’” xcha’ ri Viceministro ri’.

Xub’ij chik che ri eqa’lenelab’ rech ri PNC rech ri Subdirección General rech Operaciones, e k’o chik pa taqik ri’ rech q’atel b’anow ri’ pa juntir uwach tinamit chi ke winaq ri’ xuquje’ rech man k’ot k’ax kak’ulmataj ri’.

Eri Viceministro Guzmán, xe’upixb’ej ri winaq e aj iximulew rech utz usachik kibono 14 kakib’an ri’.

Xuquje’ xuya’ ub’ixik che pa taq le q’ij ri’ eri taqanelab’ chi ke taq ri wokajil ajchajil tinamit kakijipij ri e ajchajinel ri’, rech kechajinik cho taq jachakunb’al pa uxo’l taq ja’ pa tinamit chi’ k’u ri’ qas kab’an wiri’ ri ya’olchajinik kumal ri’.

“Are wa’ kab’anik rech e k’i e ajchajinel kekoj pa tinamit ri’ rumal k’u ri’ man kak’ex ub’anikil ri uxulanem chi ke ri e ajchajin tinamit ri’ pa le ya’olchajinik jacha’ kakib’an taq le Awan Q’ij xuquje’ pa kisb’al junab’ ri’ aretaq e k’i winaq kewa’kat pa taq uxo’l ja pa tinamit ri’”, xcha’ ri Guzmán.

Pa uk’isb’al rech eri Viceministro xpixb’anik chi ke ri winaq e aj iximulew ri’ rech kakil kib’ aretaq kakesaj kirajil pa taq pwaqb’al ja ri’, rech man k’ot elaq’omab’ keleq’an chi ke ri’.

COMPARTIR