K’o ya’olchajinik tzukunem pa le kiq’atexik ri e ajtoq’il pwaq are wari qas katajin che ub’anik ri Ministerio rech Gobernación

110

Eri tzukunem ya’olchajinik k’a te xb’antaj ri’ pa ronojel we amaq’ tinamit pa junamil uwach ri’, are rech pa le kiq’atexik ri e ajtoq’il pwaq che k’o uya’om k’axk’olil chi ke k’i winaq e aj iximulew ri’, are wari’ qas katajin che ub’anik ri Ministro rech Gobernación xuquje’ ri K’amal b’e Amaq rech Amaq’il ri’, rumal ri’ are wa’ katajin pa komonb’al ruk’ ri q’atb’altzij rech ri Ministerio Público pa le kiq’atexik e ajtoq’il pwaq jeri’ utzijol xuya’o ri Viceministro rech Ya’olchajinik, Ricardo Guzmán Loyo.

“Rumal ri’ k’o keb’ tzukunem ya’olchajinik xb’antaj ri’, pa we jun uwach wuqq’ij, pa le kiq’atexik ri Pandilla rech ri Barrio 18, rech ri clica Corner Ganster, ri pa k’iyalaj taq wokja rech zona seis, cinco xuquje’ pa 18 che ri xkib’an wi k’ax chi ke ri winaq e jaqal chi’ pa taq le colonias ri’” xcha’ ri Guzmán.

Eri ya’olchajinik ri’ ri k’a te xb’antaj ri’ pa tinamit rech pa kichapik e 70 chi winaqil b’anol k’ax ri’ che ri kakib’an k’ax pa taq le Mezquital, Villa Lobos, El Búcaro, zona 12 rech Villa Nueva, pa aldea Conacaste, Chiquimula, zona 10 rech Mixco, pa le Colonia Venezuela, zona 21, pa Pachalum, Quiché, pa le zona 5 rech uk’u’x Nimatinamit Iximulew xuquje’ pa Jocotenango, Sacatepéquez ri’.

Xuquje’ k’o tzukunem ya’olchajinik xb’antaj pa junamil pa taq Retaljuleu, Escuintla, Zacapa El Progreso, Jutiapa, Huehuetenango Baja Verapaz, Chimaltenango, Izabal, Suchitepéquez xuquje’ San Marcos ri’.

COMPARTIR