Eri Ministerio rech Gobernación k’o jun nim uchakub’al rech kuk’am b’iw ub’ixik loq tzijol kumal winaqilal ri’, pa le ch’a’wb’alil pa le rajilab’al ri’ 1518 ri are wari’ ya’tal ri’ panoq chi ke le winaqil tinamit rech kakiya’ loq ub’ixik wexa’ k’o itzelal b’anow k’ax kakilo kak’ulmataj ri’ are pa awalik wexa’ k’o kakiya’ loq ub’ixik ri’.

Eri centro rech denuncias ri’ are sib’alaj awan le ub’antajil pa le 1518 ri’, are utaqim rij rech usik’ik ri tzijol che ya’tal loq kumal winaqilal  ri’ xuquje’ kumal ri e ajchak patanel chi rij taq k’ax kb’anom pa taq le wokajilal ri’.

Pa we junab’ ri’ ya’om loq 350 b’iwtzijol chi rij taq b’anow k’ax jacha’ ri’: b’anow elaq’, chi rij k’ayin awan kunb’alil, chi rij toq’inik pwaq, chi rij b’anow kamisanik, chi rij b’anow elaq’ ri’, chi rij elaq’an winaq, chi rij k’ayin awan jastaqil, chi rij b’anow k’ax chi ke ixoqib’, chi rij b’anow k’ax chi ke winaq ri’ xuquje’ chi rij taq b’anow k’ax kumal rajchak ri Wokajil Ajchajil Tinamit ruk’ ri rech ri Wokajil Japache’ ri’.

Eri rajilab’alil ri’ che ri xya’taj ri’ are xaq’an na chuwach ri rech pa junab’ir kanoq rumal q’alaj kub’inaq kak’u’x winaq tinamit chi ke ri kaq’atb’altzij ri’ xuquje’ rumal ri ya’oltzijol xya’tal loq pa le 1518.

Pa ronojel ri ya’om loq ub’ixik k’o jun 25% chi rij b’anow taq elaq’, eri jun 17% chik are chi rij k’ax kib’an ri PNC, eri jun 13% are chi rij narcotráfico, eri jun 12% chik are chi rij elaq’ toq’inik pwaq chi ke winaq ri’ xuquje’ pa jun 10% rumal ri Wokajil Japache’ rech k’o tzijol xuya’ panoq pa le Centro rech Coordinación rech Información Interinstitucional (CECOIN) rech Ministerio rech Gobernación ri’.

¿Jas kab’an che ri k’ax kaya’ loq ub’ixik pa le 1518?

Sib’alaj rajawaxik kaya’ ub’ixik che ri winaq tinamit che aretaq kak’ul pa le ch’awb’alil 1518, are maj ub’i le winaq kuya’ loq, maj uta’ik che jawchi’ kach’a’w wi loq che ri aretaq k’o kakiya’o loq ub’ixik, we ub’anikil ch’a’wb’alil are pa awalil pa jun 100% ri’ xuquje’ jeri’ kab’an che le tzijol kaya’ loq ub’ixik, are wari’ ka’ok pa le Centro rech Denuncias chi’ kak’ul panoq kumal le ajpatanel rech ri’.

Eri utzijol kaya’ chi rij ri toq’inik pwaq are kaq’axax pa aninaqil pa le División Nacional rech Q’atel kuwach ri Pandillas (DIPANDA), eri b’anow k’ayin awan kunb’alil, ri b’anow kamisan winaq xuquje’ ri b’anow elaq’ ri’ are kataq pa le División Especializada rch Investigación Criminal (DEIC) eri tzijol chi kij ri narcotráfico are kaq’axax pa le Quinto Viceministerio Antinarcótico ri’ xuquje’ eri ya’ol ub’ixik k’ax che ri kakib’an ri eqa’lenelab’ e ajchajil tinamit are kaq’axaxik pa le Inspectoría General, juntir wa’ uwach taq ri unidades especializadas kakimaj jun nim tzukno’jchak chi rij taq ri b’anow k’ax che ri kaya’ loq ub’ixik chi’.

Eri Retal Ch’a’wb’alil 1518 are jun chokonsab’al ri’ le k’o nim kupatanij pa le karaqik xuquje’ pa le kachapik ri uwinaqil ri molaj b’anol taq k’ax ri’ che ri kawam kib’ ri’, maltyox b’a’ che ri tzijol kumal le loq’ winaq ri’, k’o jun tzukno’jchak kajaq chi rij ri’ xuquje’ rumal xb’antaj kowinem e k’o b’anol k’ax xechap ri’.

COMPARTIR