Eri b’anow k’ax kamisanik xq’atataj ri’ pa le k’isb’al wuqq’ij kanoq ri’

193

Eri rajilab’al b’anow taq k’ax kamisanik xq’atataj ri’ pa le k’isb’al wuqq’ij kanoq ri’, pa ronojel k’ut oxib’ xk’ulmataj pa viernes kanoq, waqxaqib’ pa sábado xuquje’ wuqub’ pa domingo kanoq, je ri’ utzijol xuya’ ub’ixik ri Wokajil Ajchajil Tinamit ri’ (PNC).

Eri utzijol ri’ xuya’ ub’ixik kumal ri wokajil ajchajin tinamit ri’, e pa nimatinamit Iximulew, chi’ k’ut qas e k’o wi k’iyalaj winaq pa we amaq’ ri’, man k’ot b’a’ jun k’ax xk’ulmataj pa viernes kanoq, jun xk’ulmataj ri’ pa sábado xuquje’ keb’ xk’ulmataj pa domingo ri’.

Eri uwachinem chak patan ri’ are rumal ri ya’olchajinik katajin kumal ri uwokajil sak’ajil ajchajinelab’ rech ri PNC, are pa komonchak ri’ rumal ri’ Ministro rech Gobernación, Francisco Manuel Rivas Lara.

Pa ronojel k’ut e k’o 18 chi kamisanik xk’ulmataj pa ronojel amaq’ tinamit ri’ pa le k’isb’al wuqq’ij kanoq ri’, junam ruk’ xk’ulmatajik waqib’ chi b’anow k’ax pa ronojel taq q’ij ri’.

K’a aretaq xumaj loq uchak upatan ri Rivas Lara xuquje’ qajinaq pa rajilab’al ri b’anow k’ax kamisanik xk’ulmataj ri’.

Pa le 28 rech ik’ junio, je ri’ pa le 21 xuquje’ 22 rech noviembre rech 2016, xuquje’ pa taq le q’ij ri’ majun ta b’anow k’ax kamisanik xk’ulmataj tane pa le juyub’ tinamit rech Iximulew ri’. Xuquje’ pa le 14 rech diciembre, man k’ot jun b’a’ b’anow k’ax kamisanik xk’ulmataj pa taq le 21 chi tinamit rech pa amaq’ ri’.

Eri Rivas Lara xuya’ ub’ixik che pa k’iyalaj taq mul ri’ “ronojel b’a’ uchak ukowinib’alil, uchakub’al, uchokonsab’al xoksax ri’ pa le kichajixik ri winaqil tiamit ri’, xuquje’ are xkojik pa le ya’b’al joremal ruk’ chajinik chi ke konojel winaqilal pa Iximulew ri’”.

Ruk’ wari’, eri Ministerio rech Gobernación jacha’ ri PNC xkikub’isaj uya’ik kichak patan ri’ pa le ya’olchajinik pa we amaq’ tinamit ri’.

COMPARTIR