K’o 22.5 kilómetros pa ukajtzalajil ri’ xuquje’ e k’o 3,500 uwinaqilal ri’, ri tinamit rech Santa María Visitación, Tz’oloja’, ok’owinaq chik lajuj junab’ “majun” b’anow kamisanik chi’. Jeri’ utzijol tz’ib’atal rumal ri Ministerio rech Gobernación (Mingob), pa we jun tinamit ri’ majun b’anow kamisanik ri’ k’a pa le 2008.

Jeri’ eri tinamit ri’ are uk’amom k’o nab’ejsab’al ri majun b’anow k’ax kamisanik kak’ulmataj tane’ chi’. E k’o wuqub’ chik tinamit ri’, ri majun b’anow k’ax kamisanik che ri kaya’ tane’ ub’ixik ri’ k’a pa le 2012. E are taq wa’:

Le San José Chacayá, le San Juan La Laguna xuquje’ le San Marcos La Laguna, pa Tz’oloja’;

Le San Rafael La Independencia, rech Chinab’jul;

Le Patzité, k’o pa Quiché;

Le Santa Catarina Barahona, rech Sacatepéquez

Le San Antonio Sacatepéquez, rech San Marcos.

Man xaq ta ri’ e k’o ri tinamit ri’ ri majun b’anow kab’an chi’. Pa taq le utzijl utz’ib’am ri Mingob kub’ij che pa le 2017 e k’o nik’aj chik 74 tinamit ri “majun” b’anow kamisanik ri’. Pa le rajilab’al kuk’ut ri’ che pa 36 uq’ab’ tinamit majun b’anow kamisanik majun winaq sakom tane’, pa le chik tinamit e k’o 38 e sakom ri’.

Eri rajilab’al ri’ kuk’utu che pa junab’ir eri winaqilal ri’ rech 11 chi ke e 30 uq’ab’ tinamit rech San Marcos man k’ot ilow b’anow k’ax xkil tane’ chi’. Jeri’ xk’ulmataj pa le lajuj chi ke e 32 uq’ab’ tinamit ri’ che kiwokom uwach ri juyub’ tinamti rech Chinab’jul.

Pa Tz’oloja’ xkitun kib’ loq e jo’ob’ uq’ab’ tinamit pa le wujilal e tz’ib’am chi ke e waqib’ ri’ xuquje’ lajuj junab’ chik chi’ “majun” b’anow kamisanik ri’, jeri’ pa le 2017 e k’o e b’elejeb’ k’olib’alil winaqilal che majun b’anow kamisanik raqom tane’ chi’.

Xuquje’, pa rajilab’al ri’, are kuk’utu che are jeri’ pa taq le b’elejeb’ chik uq’ab’ tinamit rech Xe’laju’, waqxaqib’ pa K’iche’, wuqub’ chik pa Sacatepéquez, wuqub’ chik rech Suchitepéquez, oxib’ chik ri’ rech Chimaltenango xuquje’ jeri’ junam pa rajilab’al pa Alta Verapaz ri’.

Xuquje’ pa keb’ rech Bajar Verapaz xuquje’ pa keb’ rech Retalhuleu, jeri’ pa jun uq’ab’ tinamit rech taq Iximulew, Chuwi’meq’ina’ xuquje’ pa Petén ri’.

Sib’alaj k’o nim upatan we ri q’atb’altzij kakijalaj we man k’ot majun kamisanik b’anom pa taq le uq’ab’ tinamit ri’ xuquje’ jeri’ kakib’an tane’ pa taq nik’aj chik tinamit ri’ rech ri “majun” kamisanik kak’ulmataj ri’ pa le juntir jun junab’ ri’ xuquje’ are wa’ rech kaq’ansaxik ub’anik ri utzilem chi ke juntir ri winaqilal ri’.

COMPARTIR