B’anow ya’oltzijol rech Ya’b’al Uchajixik ri k’isis che’ 2016

125

Are rech kaq’atexik ri b’anow k’ayij maj pa usaqil ri’ k’o jun ya’ltzijol xoksaxik rech Ya’b’al Uchajixik pa k’isb’al junab’ 2016, ruk’ wa’ kamataj ya’olchajinik ruk’ esab’al achib’al pa taq nima b’e xuquje’ ri kak’iyix wi ri k’isis che’ pa k’isb’al junab’ ri’.

Pa le riqb’al ib’ chomanik ri’ xtatb’en wi ri Ukab’ K’amal b’e rech ri PNC, Carlos Lemus, ri xuya’ ub’ixik che kamajtaj ri’ ruk’ le Cholchak Ya’olchajinik 01 – 2016, ri k’o pa reqa’lenib’al ri División rech Ya’b’al Chajinik che ri K’ache’laj ri’-DIPRONA-, ri kechajin ri’ pa taq le juyub’ tinamit ri qas e tikil wi k’ache’laj rech k’isis che’ ri’, kojpa’ pa taq Xe’laju’, Chuwi’meq’ina’, Tz’oloja’, K’iche’, Chinab’jul, San Marcos xuquje’ pa B’oko’ (Chimaltenango, xuquje’ k’o ya’olchajinik kakib’an pa taq nima b’e ri’.

Pa we kamik ri’ kamajtaj ri’ ri ya’olchajinik rech kachajixik uk’aslemal ri k’isis che’ ri’, xa’rumal ri’ man ya’tal taj kak’am b’ik pa taq ch’ich’ ri uq’ab’ ri che’ ri’ xuquje’ ri wiqom che’ ri’ rech kak’iyixik, xa’rumal k’ut pa taq le 45 junab’ ok’owinaq chik ri’ qaraj k’o jun 95% uwach ri che’ ri’ b’anom k’ax che ri che’ ri’ rumal maj pa usaqil qupim xuquje’ pa we kamik ri’ qaraj k’o 26 mil chi pajb’al uwach karaqataj wi che pa juntir we amaq’ ri’.

Eri winaqib’ kechapatajik rumal b’anow k’ax che ri k’isis che’ ri’ keb’e ri’ jo’ob’ pa lajuj junab’ pache’ ri’ xuquje’ k’o tojb’al ri’ chi ke pa Q.10 mil k’a pa  20 mil chi pwaqil kesax chi kij ri’.

Rumal k’u ri’ xtaq ub’ixik chi ke ri winaq tinamit che ri ya’talil ri’ kakiloq’o are ri’ ri k’o retal kojom, ri k’o jun retalil kojom rech ya’talil kak’am b’ik rech k’iyom ri’. Eri taq korona, uq’ab’ taq ri’, eri marchamo kojom che are q’eq kaka’yik xuquje’ eri retal ri che’ kojom ri’ are saq kaka’yik.

Swiffy Output
COMPARTIR