Rumal kiq’atexik ri alab’om alitom rech kakimin ta kib’ pa b’anoj k’ax maj pa usaqil ri’, eri viceministro rech Q’atenik K’ax rech Gobernación, Axel Romero, ajk’amal b’e rech ri Komon pa Tinamit rech Yab’al Nimanem pa Amaq’, kuk’ ri ajk’amal b’e rech taq taqawokajil xuquje’ ri nuk’wokaj komon winaqilal ri’, xkib’an kisik’ixik chinaq kikaj ke’ok pa nimanem amaq’ 2016 ri’.

Eri kutaqij uwach ri Taqanik rech ri Yab’al Nimanem pa Amaq’ ri’, pa le decreto 20-2003 rech Nimwokajil B’anol Taqanib’al pa Amaq’il, rech b’a’ katijonik chi ke ri winaqil e aj iximulew ri’ rech ketob’anik pa le wokajil ajchajil amaq’ ri’, pa le jun tijonik rech taqawokajil ri’ pa le unimaxik ri Ya’talil Winaqil ri’ xuquje’ pa le No’jk’aslemal Chomanen Tinamit xuquje’ pa ch’ajch’oj k’aslemal ri’.

Xuquje’ are rech ri winaqil kaketa’maj xuquje’ e are jun kechomanik pa le nimanem tinamit, pa le pwaqil meb’il xuquje’ pa le ub’antajik ri amaq’ tinamit ri’, xuquje’ are rech katoq’ixik uch’ob’ik uwach ri winaq tinamit ri’, ri yab’al tob’anik chi kuxo’l ri e aj iximulew ri’ xuquje’ e are jun ketotab’enik ri winaqilal chi’ pa le chomanik ri k’axk’olil pa komon winaqil tinamit ri’.

Eri Romero, xutzijoj che aretaq xok’ow k’iyalaj taq junab’ chik kamik k’ut xk’am pa jumul chik uq’ab’il ri yab’al nimanem pa amaq’ pa we junab’ ri’, ri k’o wi lajuj chi ch’ob’otal chak ri ya’om chik ub’ixik kakojik ruk’ Q30 millones pwaqil tojb’al rech uchakuxik ri’.

 “Wa’ nik’aj chokonsab’al ri’ are sib’alaj k’o nim kupatanij chi ke ri winaqilal ri’ rumal ri totab’enik kumal ri alab’om alitom pa le yab’al nimanem amaq’ ri’, chi’ k’ut rech tajin kaq’atexik ri b’anoj k’ax pa taq le komon kik’olib’alil ri winaqilal ri’”.

Pa le lajuj taq ch’ob’otal chak ri’ are ri’ chakum kumal: Le Dirección rech Educación Física, le Ministerio rech Agricultura Ganadería xuquje’ Alimentación (MAGA), le Ministerio rech Cultura xuquje’ Deportes, le Dirección General rech Protección xuquje’ Seguridad  Vial, le Departamento rech Transito rech ri Wokajil Ajchajil Tinamit, le Secretaría rech Bienestar Social, le Reservas Militares, le Ministerio rech Ambiente xuquje’ Recursos Naturales, le Ministerio rech Desarrollo Social xuquje’ rumal le Asociación rech Amigos rech Desarrollo rech ri Joremalil ri’.

Pa le ch’ob’otal chak ri’ e k’o 4 mil 817 chi alab’om alitom ri kikaj rech ke’ok pa le Yab’al Nimanem pa Amaq’ 2016 ri’. Ri are e tojom ri’ Q8.75 che jujun rech ri 728 kajb’al uq’ijol nimanik kakiya’o ri’.

Eri yab’al sik’inik ri’ are kaya’taj ub’ixik pa taq le q’ij ri’ petinaq pa le Diario rech Centroamérica, xcha’ ri Axel Romero, viceministro rech q’atenik b’anoj k’ax ri’.

Swiffy Output
COMPARTIR