Pa le ukab’ uwach rech ri b’anow tzukunik ri’ #NoMásExtorsión eri Ministerio rech Gobernación, ri Wokajil Ajchajil Tinamit (PNC) xuquje’ ri Ajq’atol tzij rech ri  Ministerio Público (MP), xkib’an jun nima chak pa komon taqawokajil rumal ri’ xb’antaj kowinem xraqatajik kik’olib’alil nik’aj pandilleres rech ri Barrio 18, chi’ k’u ri’ xkiraq wi jun nim k’olib’alil ruk’ jun Q1 millón are kimolom chik ri’ che ri b’anow toq’inik pwaqil che ri tajin kakib’an chi ke taq e ajchoq’e ch’ich’ erelwinaq ri’, chi ke e ajk’ayib’, xuquje’ chi ke taq winaq ri’.

Eri pwaqil che ri xraqataj ri’ pa le 4 avenida 3-11, Colonia Camposeco zona 16, pa taq wujpwaq rech Q100.00 ri’, xuquje’ e k’o tarjetas bancarias xeraqataj ri’, rech esal qojom pwaq ri’ xuquje’ xraqataj kib’i’ winaq che ri toq’im pwaq chi ke ri’. We kamik ri’e ri Ministerio Público katajin che ruk’ ri tzukunik ri’ pa le kachoch nik’aj b’anol k’ax chi’ rech kab’an utz che rajilaxik ri pwaqil ri’.

Xuquje’ e k’o 62 winaqil che ri xtz’ib’axik kib’i’ pa kiq’ab’ e ajchajil tinamit pa le Centro rech Adminsitración rech Suk’umal ib’ (CAJ), pa le zona rech pa nimatinamit ri’, chi’ k’u ri’ xopan wi ri Ministerio rech Gobernación Francisco Rivas Lara, jeri’ ri K’amal b’e rech ri Wokajil Ajchajil Tinamit, Nery Ramos Ramos Ramos, ri k’amal b’e rech b’anow tzukunik chi rij b’anow k’ax, Stu Velasco.

Eri Rivas Lara, xutzijoj che ri uwach xuya’o are sib’alaj le ya’olchajinik ub’i’ #NoMásExtorsión are wa’ xb’antaj kowinem ruk’ rumal xkiya’ loq ub’ixik ri winaq tinamit ri’, xuquje’ are rumal ri sik’inik xkib’an loq ri tinamit ri’ rumal xkub’ kik’u’x chi ke ri q’atb’altzij rech ri ajchajil tinamit ri’ rech ub’anik ri b’anow taq tzukunik ri’.

“Eri kub’sib’al k’u’x ri winaq e aj iximulew ri’ are sib’alaj k’o nim kupatanij ri’, xa’rumal are wa’ le katob’anik pa b’anow taq sak’ajil tzukunik ri’ chi rij taq ri b’anow k’ax kamisanik ri’ rech kanuk’ uwach pa saqil ri’ xuquje’ rech te k’u ri’ kab’an nimch’ob’ow chi rij ri’, rech katzukux uwach rumal ri PNC ri’ aretaq ri ya’ol ub’ixik kumal taq winaq ri’”, xcha’ ri Rivas.

Eri xechap loq e are ri’ ri al Marlin Yordany García Prado, alias “El Mono”, k’amal ub’e taqanel rech ri clica Crazy Ganster rech ri barrio 18 ri xchap ri’ pa Boca del Monte; pa jumul chik xchap loq a Rudy Francisco Quiroa, kab’ixik are jun pandillero che ri xresaj loq rib’ pa le Boquerón pa 2016, pa le zona 1 pa uk’u’x nimatinamit, jeri’ ri Byron Pérez Escobar alias “El Droopy”.

We jun ukab’ uwach b’anow tzukunik ri’ pa unimal ri’ e k’o jun mil 270 chi eqa’lenelab’ rech ri PNC, ruk’ 125 chi tzukunelab’ xuquje’ kuk’ e 220 chi ch’ich’ xekoj ri’.

K’o jun k’aqb’al calibre 22, jun raqarik k’aqb’al AK47 xuquje’ keb’ nimpoq’sab’alil ri’, xuquje’ k’o pwaq b’otolik xraqataj ri’ chi’.

Eri k’amal b’e rech ri PNC, Nery Ramos, xumaltyoxij ri tob’anik xya’tajik chi ke ri eqa’lenelab’ e ajchajil tinamit ri’ “xumaltyoxij kiya’om ronojel kanima’ pa le chak patan ri’, ruk’ ronojel kichuq’ab’ xuquje’ k’o nima chak kikb’anom ri’, eri tijob’al chuq’ab’ ri’ are kaqaloq’oj ri’ xuquje’ ri ya’olchajinik chi ke konojel winaqilal ri’”.

Eri k’al ri ixoqib’ xechapataj loq

Pa le kokik ri nik’aj winaq xechapatajik kab’ixik e b’anol k’ax che ri xkitoq’aj pwaq chi ke winaq ri’, e k’o keb’ ixoqib’ chi ke kuk’ taq kal ri’, jun chi ke k’a te xalax ri’ xuquje’ k’o jun nan q’apoj chi ke ri’ 19 ujunab’ ri’.

Jeri’ k’o jun alaj ali k’a te kajib’ ujunab’ ri’, rachb’ilam ri unan xe’ok pa le Q’atb’altzij rech Suk’umalil (CAJ) ri’. We kamik ri’ e k’o 30 ixoqib’ che chapom chik che ri kab’ixik e ajtoq’inel pwaqil chi ke taq winaq ri’.

Eri nik’aj ixoqib’ ri’ kab’ixik e are tajin xkitoq’ij pwaqilem chi ke winaq ri’, e k’o chi ke: e nan k’o kal, e k’o e alaxik, e k’o kal ri’, e k’o e achalal ri’ chi ke, e k’o chi ke kixoqilal nik’aj pandilleros che ri keraqataj pache’ tz’apib’al pa we amaq’ ri’.

Nab’e uwach uchakuxik

Eri nab’e uwach ri’ are xb’an pa sábado kanoq pa Xe’laju’, chi’ k’u ri’ xechapataj pa jumul chik e oxib’ pandilleros rech ri barrio 18 che ri xkesaj loq kib’ pa le Japache’ Tz’apib’al Fraijanes I.

Siendo estos Fernando Muñoz Sinar alias “El Happy”, Jonathan Estuardo Sinay Ortiz y Víctor Hugo Gámez Gonzáles alias “El Snaiper”.

COMPARTIR