“Maltyox chiwe qaminom ta qib’ kuk’ ri maras jacha’ kib’anom winaq e k’o panoq chaqij chanim ri’”

52

Pane b’a’ pa le ub’ixikil reqam ri Samuel Osorio are junam ruk’ ri keqam ri eqa’lenelab’ rech ya’olchajinik ri’, jalajoj b’a uwach ri’, rumal k’ut are rech ri ya’olchajinik winaqilal ri’, rech are kapatanixik pa taq tijob’al k’o pa taq k’olib’alil kab’an wi’ k’ax pa uk’u’x nimatinamit, chi’ k’u ri’ ketijox wi’ ri ak’alab’ rech kaketa’maj kakiq’ojomisaj q’ojomab’al ri’, are rech ke’ok ta kuk’ ri winaq e ajb’anol k’ax ri’.

Eri chak patan ri’ are katajin ub’anik kumal e 14 eqa’lenelab’ rech ri Wokajil Ajchajil Tinamit (PNC), ri e rajawtzij rech ri Tijob’al rech Uxulanem q’ij, are wa’ chak katajin ub’anik pa taq le colonias: Villa Lobos II, zona 12 de Villa Nueva;  Amparo I, zona 7; Lavarreda, zona 18 xuquje’ Quintanal, zona 6, chi’ k’u ri’ rech kaq’atexik ri b’anow k’ax ri’.

“Are utz eri ix k’ak’ tijonik kik’am uwach ri’, are wa’ kixuto’o rech kiweta’maj nik’aj chik eta’mab’alil, eri uj are kaqaj eri ix kiyak iwib’” are wa’ utzijol xuya’ ri Osorio rech kub’ij chi ke ri taq ak’alab’ che ri kakitotab’ej ri’, ri ketzijon ruk’ xuquje’ ri are kakikojo ri k’ak’ eta’mab’al kumal.

Eri Daniel Pérez, julajuj ujunab’ are jun chi ke ri ajtijoxel, xumaltyoxij ri tijonik xya’taj chi ke ri’, rumal k’ut are pa le ukab’ junab’ chik k’o pa le Escuela rech Vacaciones “pa amaq’el ri’ kaqaj kaqeta’maj rech kaqaq’ojomisaj jun q’ojomab’al ri’ xuquje’ rech kaqach’ob’o kaqeta’maj ri qachomam chik kaqeta’maj ri’”.

Che ri Sonia García, ri are kub’ij are wa’ jun ya’talill eta’manem chaqe rech kajk’oji naj chi ke ri e ajb’anol k’ax ri’ che ri e k’o pa le aj jaqel wi’ “chaqe uj are wa’ jun nim q’ijol chiwe rech ix ajtijonel chaqe, rech k’o jun utz chuwe’q kab’ij chaqe, maltyox chiwe iwumal ix uj k’ot kuk’ ri e ajb’anol k’ax ri’ jacha’ kib’anom nik’aj chik winaq junam kajunab’ quk’ chanim ri’”

Pane’ b’a xa’ uj keb’oxib’ kojtajin che reta’maxik q’ojomanem ri’, iwumal ix kixtijon pa taq le tijob’al rech kik’ut b’anow loq’ taq jastaq chaqe uj aj ak’alab’ che ri xaqatz’ib’aj qib’ ri’.

Rumal ri’ eri Arnulfo Pacay, are jun chi ke ri ajwokchakunel pa le cholchak ri’, ri are kub’ij pa we junab’ ri’ are xkitz’ib’aj kib’ ri’ e 600 chi taq ak’alab’ ri’ rech 9 pa 14 kajunab’ ri’, pa taq kajib’ tijob’al che ri k’o pa tinamit ri’. Rumal ri’ xejach kuwach rech k’o ketijox pa saqarib’al xuquje’ k’o ketijox pa qajib’al q’ij ri’, rech ketijox konojel ri’.