Eri Julio Vásquez Orozco, Walter Raúl López Marroquín xuquje’ Isidro Israel López Chávez, e oxib’ eqa’lenel ri’, che ri k’o ya’olchajinik kakib’ano, e rech ri Capellanía General rech ri Wokajil Ajchajil Tinamit (PNC), xuquje’ kiwokom jun molaj b’anow b’ixonem ub’i’ Noj’k’aslem xuquje’ Patanem ri’, ruk’ wa’ kakiya’ ki’kotem rech chikaj chi ke ri kachib’il ri’.

“Are wa’ jun tewchib’al che ri ketatb’en wi ri e oxbi’ ajb’ixonel ri’ ruk’ taq loq’b’ixonem chikaj xuquje’ ruk’ usik’ixik ri tyoxwuj ri’, pa le ub’antajil ri’ ya’talil chi ke rech kemaltyoxin che ri Qatat Chikaj ri’ ruk’ wa’ e kowoninaq kiya’om ronojel uwach tob’anik chi ke winaq k’o rajawaxik chi ke jacha’ ri keraqataj pa tijow taq tzam ri’, rech kakikub’isaj ri kab’ison kanima’ ri’”, xcha’ ri Walter Marroquín.
rumal ri’ eri Isidro Israel López, xub’ij che “Ri molaj b’anow b’ixonem ri’ are uya’om utob’anik chikaj che man xaq ta ri’ chi ke ri rachib’il xane’, xuquje’ chike ri rachalal xuquje’ chi ke winaq pa tinamit ri’”.

Eri Julio Vásquez are k’amal b’e rech ri molaj ajb’ixonem ri’ are kub’an ri k’amq’ojomb’al ri’, ri are kub’ij eri ya’olchajinik are sib’alaj tijob’al chuq’ab’ ri’, jeri’ pa taq b’anow tzukunik ri’, jeri’ aretaq kechap winaq ri’, jeri’ aretaq k’o ya’olchajinik ri’ xuquje’ jeri’ aretaq k’o q’alam uk’ayixik tzam ri’, pa amaq’el ri’ are qanimam uwach ri kujtaq che ub’anik ri’ xuquje’ jeri’ pa le b’anow rech kojb’al chikaj are wari’ rech kaqato’o qib’ xuquje’ ri e qachib’il ri’.

Eri Julio, Walter jacha’ ri Isidro xkiya’ ub’ixik ucholaj che ri b’anow q’ojomanik ri’ are xketa’maj aretaq qas e ch’uti’n ri’ are xketa’maj kuk’ taq ri kachalal are wari’ xaq xu’ xkixikinaj pa taq kachoch xuquje’ aretaq xe’opan pa le wokajil ajchajil tinamit xuquje’ rumal k’ut xkita keb’ixonik ri kachib’il, we kamik xaq man kechakun ta chik pa le wokajil chak patan ri’, xya’taj chi ke rech keb’ixon pa we ri’.

Eri Isidro Israel López kub’ij eri jun molaj b’ixonel ri’ are k’o nim tob’anik kiya’om chi ke kachib’il ri’, chi ke ri kachalal xuquje’ chi ke ri winaq tinamit ri’.

Eri molaj ajb’ixonel ri Trío ri’ xkib’ij che k’o pa k’iyalaj taq mul e najtib’inaq e opaninaq pa taq b’anb’al b’ixonem ri’, pa taq le b’ixonem tajin kakib’an ri’ kito’m k’ut winaq che ri kiraqom k’ax pa nimab’e ri’, jeri’ chi ke winaq kab’an k’ax chi ke pa taq ch’ich’ erelwinaq ri’, rumal ri’ are qas kichak patan ri’are rech ketob’anik chi ke ri winaq tinamit ri’.

COMPARTIR