Pa kiwokajil ri taqanelab’ e ajchajil tinamit xesataj Kimaestría rech Reta’mab’al Ub’eyal Ya’olchajinik ri’

138

Pa le nuk’chomab’al xb’an ri’ ruk’ ri Nimatijob’al Rafael Landívar xuquje’ ruk’ ri Wokajil Ajchajil Tinamit, e lajuj chi ke ri k’amal b’e taqanik e ajchajil tinamit xkesaj ki-Maestría rech Estudios Estratégicos, are wa’ ri nab’e pa kipuqil ri ajchajil tinamit xkesaj jun tijob’enik ri’, chi’ k’u ri’ xopan wiri’ le Ministro rech Ministro de Gobernación Francisco Rivas Lara, xuquje’ are chi’ ri Adela de Torrebiarte Comisionada Presidencial rech ri Reforma Policial, Yan López director rech Maestrías rech ri Facultad de Ciencias Políticas xuquje’  Sociales rech ri URL xuquje’ ri Luis Padilla Decano rech ri Facultad rech Ciencias Políticas ri’.

Chi kuxo’l taq ri k’ak’ taq magister ri’ are jun ri K’amal b’e rech ri PNC Nery Abilio Ramos y Ramos, ri Ukab’ K’amal b’e rech ri Investigación Criminal Stu Velasco, ri Ukab’ K’amal b’e rech Operaciones Erwin Mayen Veliz, ri Tz’ib’anel rech ri SGIC Augusto Francisco Gómez Lacan, xuquje’ kuk’ nik’aj chik taqanelab’ rech ri PNC.

Rumal k’u ri’ eri Rivas Lara, xuki’kotirsaj kib’antajil ri e lajuj che xkitijoj kib’ ri’ rumal k’u ri’ jewa’ loq’ taq tzij xub’ij ri Tom Brokaw: “Atijom awib’. K’o ri’ jun awujil ri’. Qaraj katchoman chi rij ri’ che are wa’ jun awujil kakojo ri kuya’o jun utzalaj ak’aslemal ri’. Chitompa’ b’a’ kinb’ij chiwe ix ri kuya’o chiwe ix, chixchomaj chi rij che are wa’ jun iwujil kuk’ex uwach uwachulew ri’”.

Xuquje’, xub’ij che ri kijach juntir iwib’ che xuquje’ le tijob’al chuq’ab’ ri’ are kutun rib’ pa le uya’ik jun chak patan chi jujunal ix winaq ri’ xuquje’ che ri ub’anik uk’aslemal we amaq’ tinamit ri’, emu wari’ che juntir ri PNC, “qastzij b’a’ kinki’kotirsaj kuwach ri k’ak’ taq magister xa’rumal e are le nab’e pa kiwinaqil ri’ xuquje’ pa Centroamérica”.

Eri Padilla decano rech ri Facultad rech Ciencias Políticas, xutzijoj che we jun tijob’en ib’ ri’ are kuya’o uwach taq jamalil rech ub’anik taq ch’ob’ow  ruk’ tzukunik chi rij ri’ xuquje’ xumaltyoxi che ri Ministro Rivas, ri kub’sib’al k’u’x ri’ pa le uya’ik ri nik’aj retal tijob’en ib’ chi ke ri taqanel chajin tinamit ri’.
Eri Nery Ramos k’amal b’e rech ri PNC, xumaltyoxij ri tob’anik xya’taj kumal ri q’atb’altzij rech ri URL ri’, rumal xtor ri nim uchi’ ja rech nimatijob’al ri’ rech xkitijoj kib’ ri PNC, are wa’ kuya’o jun utzalaj b’antajil che ri wokajil ri’ xuquje’ rech uya’ik utzilem chi ke ri rajchak ri’.

COMPARTIR