Eri Margarita Aguilar  are ajilol rech ri alaj b’anb’al wa rech Gobernación

187

At k’ut aj ilol rech ri b’anb’al wa xuquje’ nik’aj chik b’anow mesnik xuquje’ ri kusaqab’isaj ri nima jachakunb’al rech ri Taqawokajnel rech Ya’olchajinik ri’, eri loq’ ixoq ri’ Margarita Aguilar, lajuj junab’ katajin che chak pa le Ministerio rech Gobernación ri’.

¿Nikpa’ junab’ chik kattajin che chak pa le Ministerio rech Gobernación ri’?

Lajuj junab’ xinb’an che chak pa le wokajil ri’ kajib’ chik xinb’an pa le Fuerzas de Tarea, chi’ xaq xinto’n ri’ chi ke ri winaq che xe’ok’ow pa nimalaj k’ax ri’ xuquje’ waqib’ junab’ chik kintajin chi’ pa le nima jachakunb’al rech ri taqawokajnel ri’ pa le b’anb’al wa ri’.

¿Jas ab’anom che xa’rumal at nan kattajin pa chak ri’?

Sib’alaj k’ax ri’ che jun ixoq ri’, xa’rumal kub’an pon uchak xuquje’ kuril pon pa rachoch ri’, pa nimaq’ab’ k’ut kape jun pa chak xuquje’ maraj chik katzilij jun pa ja ri’ are kinopanik kenuwil ri wynumam ri’, xa’rumal e k’o oxib’ wal pa konojel e nima’q chik, in kinb’an ri kiwa ri’, kenito, kenupixb’ej, kinya’ nuq’ij chi ke ri’.

¿Lak’o lo jun tzijol kaya’o che ri ariqom pa ri achak che ri kattajin chik pa le Taqawokajil ri’?

Le qas nim k’o retal xuya’ kanoq pa le nuk’aslemal ri’, xa’rumal nub’antajil, nuchak xuquje’ rumal qas naj kinnajtib’ pa le nuchak, xaqajach qib’ ruk’ ri wachijil ri’, ri are man xuq’i’ taj, ri are xub’ij chuwe che kinwesaj wib’ pa le nuchak ri’, xub’ij chuwe man rajawaxik taj kinchakunik, ri in k’ut man utz kinwilo in k’o pa tzuqik ri’, rumal ri’ xjachataj qawach ri’.

¿Jas una’ik jun q’ij chak pa le ak’aslemal?

Eri jun q’ij chak ri’ are nuya’om wanima’ juntir che nichak ri’, xaq pa nim aq’ab’ kinwa’lajik rech kinb’an ronojel le rajawaxik ri’ xuquje’ rech kinsaqab’isaj pa le nima jachakunb’al ri taqawokajnel ri’ rumal k’ut aretaq kopan ri Ministro juntir saq kopanik kurraq ri’.

¿Jas kakichomaj le awachalal che ri achak ri’?

Le wal sib’alaj keki’kot wuk’, sib’alaj utz kakilo kintajin che chak ri’, amaq’el utz in kilom xuquje’ are wa’ jun utzalaj k’utb’al kinya’ chi ke, xuquje’ ri e are kakito ronojel ri kintzijoj chi ke ri nuk’ulmam pa le nuchak ri’.

¿We k’o jupaj atzij kab’ij chi ke ri nan rech ri Mingob’ pa le kiq’ij ri’ xuquje’ ri kechakun pa juntir taq chaya’o panoq?

Sib’alaj utz b’a’ ri tijob’al chuq’ab’ kinb’an pa le taqawokajnem ri’, rumal ri’ kinb’ij chi ke che chakib’ano b’a’ ruk’ ronojel kanima’ ri kichak patan ri’ xuquje’ rajawaxik b’a’ chakila b’a’ ri kachalal aretaq ke’opan chaq’ab’ pa taq kachoch ri’, chetzijon b’a’ kuk’ chakilo ruk’ ki’kotemal ri kachalal ri’, rech pa amaq’el ke’ajwaxik kumal ri’, rech chetzijon b’a’ kuk’ ri kal, rech te k’u ri’ ri Qatat chikaj ke’utewchi’j konojel ri e nan ri’ pa le Uk’u’x ri Taqawokajnem rech ri Ministerio rech Gobernación ri’.

COMPARTIR