Pa ik’ marzo kanoq xqaj uchuq’ab’il ri b’anow k’ax kamisanik ri’ pa k’isb’al lajlajuj junab’ ri’, juntir wa’ xajilaxik are 336 ri’, k’o 68 chi kamisanik man xk’ulmataj ta chik ri’ pa le uq’ijol we ik’ rech pa le 2016 ri’, aretaq eri rajilab’al xuya’ ub’ixk rumal ri Wokajil Ajchajil Tinamit ri’ (PNC), are xajilaxik 404 ri’.

Xuquje’, eri rajilab’al xya’taj ub’ixik pa le juyub’ tinamit rech Iximulew ri’, eri qas b’anow k’ax xk’ulmataj pa we amaq’ ri’, are maj b’anow k’ax ri’ xk’ulmatajik pa taq le 3, 9 xuquje’ 30 rech ik’ marzo, are uwachinik ri chak patan rech ya’olchajinik xkoj rumal ri PNC, pa komonchak ruk’ ri Taqanib’al uchak patan ri Ministerio rech ri Gobernación ri’.

Rumal k’u ri’, pa le juyub’ tinamit rech Iximulew ri’, pa jo’ob’ q’ij ri’ aretaq maj b’anow kamisanik ri’, pa taq le q’ij 3, 9, 11, 28 xuquje’ pa 30 ik’ marzo, are wa’ kuq’alajisaj ri upatan kichak kib’anom ri q’atb’altzij pa le q’atenik b’anow k’ax pa ronojel we amaq’ ri’.

K’a pa le umajik uchak upatan ri Ministro rech Gobernación, Francisco Rivas, xuquje’ k’o nik’aj chik q’ij che man k’i ta b’anow k’ax kamisanik ri’, are pa taq le 28 rech junio, pa le 21 xuquje’ 22 rech noviembre rech 2016, jeri’ pa le 24 rech febrero rech 2017,xuquje’ are chi’ maj b’anow kamisanik xk’ulmataj pa juyub’ tinamit rech Iximulew ri’.

Eri Rivas Lara, xuya’ ub’ixik che k’o k’i taq mul ri’ che “ronojel taq choq’ab’il, chokonsab’a, chakub’al xuquje’ eqa’lenelab’ xekoj ri’ pa le ya’ol utzilem, joremal, tob’anik xuquje’ ya’olchajinik xek’oji wi chi ke konojel ri winaq e aj iximulew ri’”.

Ruk’ wari’ eri Ministerio rech Gobernación jacha’ ri PNC  xkikub’isaj ub’ixik le ya’olchajinik pa we amaq’ ri’ xuquje’ chi ke ri uwinaqilala ri’.

COMPARTIR