Pa no’jimal katajin rok’owik ri q’ij aretaq xtaq ukojik ri Korlim Ya’olchajinik pa taq le Tinamit rech Ixchiguán xuquje’ pa Tajumulco pa le juyub’ tinamit rech San Marcos ri’, kumal k’ut ri xkimaj ri ya’olchajinik pa le resaxik uchupisaxik ri amapola che ri qas tikom pa taq le tinamit ri’.

Chi’ keraqataj wi e 1,500 eqa’lenelab’ rech ri Wokajil Ajchajil Tinamit (PNC) rech taq jalajoj taq ri Unidades Especiales xuquje’ Comisarías ri k’o pa ronojel amaq’ ri’, ruk’ utaqib’al uwach kichak patan ri’, eri nab’e ri’ are rech ya’olchajinik chi ke ri winaqilal rech ri keb’ tinamit ri’ xuquje’ eri ukab’ chik rech resaxik uchupisaxik ri awan tiko’n kunb’alil ri maj pa usaqil chi’.

K’o nima’q taq uwachinik ri ya’olchajinik katajin ri’ aretaq aponinaq chik pa lajuj q’ij ri ketajin che uqupixik ri awan ichaj kunb’alil chi’ che ri esam chik pa taq 1,922 chi peraqil taq juyub’ ri kapajon pa ronojel uwach ri’ are 1 millón 454 mil 696 Mts.2 junam rik’ 145.46 hectáreas ri’.

Pa jun molaj e k’o 500 e esanel ri’ rech ri PNC, e k’owoninaq ri’ kesam 64 millones 280 mil 914 raqan ichaj amapola ri’, ri k’o 389 millones 407 mil 201 uxe’ ri k’o chik pa uq’ijol kesaxik.

Are wa’ jun nim q’atenik xb’an chi ke ri e ajtikol rech chi ke ri e ajk’ayin awan kunb’alil ri’, rumal ri’ we kamik are kopan pa Q. 1 mil 607 millones 022 mil 829.66 rajil esam pa ronojel chik, are wari’ keterenb’exik uqupixik aretaq kanajtib’ ri Korlim Ya’olchajinik pa le keb’ tinamit ri’.

Eri juyub’al katajin wi uqupixik ri’ are taq wa’:

Pa taq ri Aldeas Santa Isabel, pa Toninchún, El Malacatán, pa Toquián Chico, Las Brisas, El Rancho, Tuipic, Tuinima, Boxoncan, Chana, Tuiquinamble xuquje’ pa Tuiquimamel;xuquje’ pa taq ri Caseríos Dieguez, pa Linda Vista, La Ventana, El Triunfo, San Juan Pie de la Cuesta, San Luis Cretza, Santa Rosa de los Altos, Tuninchun Chico xuquje’ pa Monte Perla rech pa juyub’ tinamit rech Tajumulco; xuquje’ pa taq ri Aldeas Tuichán, pa San Antonio, pa 11 mayo, pa Nuevo Porvenir xuquje’ pa Buenos Aires; pa le caseríos Ventana Santa Rosa, pa Loma Linda, pa Bella Vista xuquje’ Linda Vista, rech juyub’ tinamit rech Ixchiguán.

Pa Tajumulco xuquje’ Ixchiguán chi’ xraqataj wi ri marihuana tikom ri’, maja’ kopan pa lajuj q’ij ri ya’olchajinik chi’ are esam chik pa 19 peraj taq juyub’ ri uwach ri’ are  19,017 Mts.2 junam ruk’ 1.90 hectáreas che ri xqupix wi 169 mil 731 raqan awan kunb’alil ri’ ri rajil pa ronojel are Q. 63 millones 649 mil 125.00 ri’.

Eri peraj taq juyub’ ri’ ri tikom wi marihuana ri’ are xraqataj ri’ pa taq le aldeas rech Tuipic, Toninchúm, El Malacate, Toquián Chico, Las Brisas, y el Caserío Cheguitz rech le juyub’ tinamti rech Tajumulco ri’.

Eri xuya’ utzijol ri Subcomisaria Ferenka Godínez rech ri Subdirección General rech Análisis rech información Antinarcótica (SGAIA), we kamik ri’ eri winaq chi’ man kiq’atim taq uwach resaxik ri awan ichaj kunb’alil ri’.

Chi’ k’ut eri eqa’lenelab’ rech ri Unidad Especial Halcones ketajin che uwa’katixik uwach ri juyub’ tinamti chi’, k’o ya’olchajinik kakib’an che kaqan ri’ chi’ paq’ij ri’ pa le resaxi uchupisaxik ri awan ichaj ri’ jacha’ chaq’ab’ chik are e k’o ya’olchajinik chi ke ri winaq rech ri keb’ tinamit rech San Marcos ri’, emu wari’ aretaq kanajtib’ ri Korlim Ya’ochajinik chi’.

COMPARTIR