Eri Wokom Patanelab’ xkijaq uchak upatan ri aeropuerto rech Puerto Barrios

200

Are rech b’a’ man k’ax taj kab’an ri opanem pa taq nik’aj chik nimatinamit naj xuquje’ chi’ are wa’ choman minom pa le Nimacholchak rech wa’katel winaq ri’ pa Iximulew 2015-2025, eri Nimawokom Patanelab’ rech ri Ministerio rech ri Gobernación, ri Superintendencia rech Administración Tributaria (SAT), ri  Instituto Guatemalteco rech Turismo (INGUAT), chi kuwach nik’aj chik taqawokajil ri’, pa komon xkijaq uchak upatan ri qajib’al xik’ach’ich’ pa Puerto Barrios pa Izabal ri’.

Are wa’ ri nab’e ri’ kakoj chi’ pa lunes k’a pa viernes eri tojb’al rech ri’ are 155 dólares rech b’enam xuquje’ rech petem ri’, rumal ri aerolínea Transportes Aéreos rech Iximulew ri’, eri TAG ri’ are karapapik pa Iximulew-Puerto Barrios, ri kel loq pa le Aeropuerto Internacional La Aurora.

Eri nimak’amal b’e Morales pa le utzijonik xuya’o xub’ij ri’ eri xik’ach’ich’ kerapap ri’ are kuya’ uk’iyemal we amaq’ ri’ xuquje’ are kuya’o jun utzalaj retalil ri aeropuertos rech Iximulew ri’, emu wa’ ri’ k’o pa ya’olchajinik ri’ xuquje’ are wa’ xuki’kotirsaj uwach ri Ministro rech Gobernación xuquje’ ri K’amal b’e rech ri Wokajil Ajchajil Tinamit ri’ (PNC), rumal ri ya’olchajinik pa Izabal ri sib’alaj utz b’anom che.

Eri ajkalte rech Puerto Barrios, Hugo Sarceño, xumaltyoxij ri tob’anik xya’taj che ri Nimwokom Chomanelab’ ri’, che ri Ministro rech Gobernación rumal ri ya’olchajinik katajin chi’.

Eri Jorge Mario Chajón k’amal b’e rech ri INGUAT, xna’tijsaj ub’ixik che pa junab’ir are xjaq uchak upatan ri aeropuerto rech Retalhuleu xuquje’ Xe’laju’, are nab’e wa’ le xjaqik pa Puerto Barrios, pa Izabal, rech te k’u ri’ chik k’o kakoj na pa Puerto de San José xuquje’ pa Cobán ri’.

COMPARTIR