Eri Migración xkub’isaj ub’ixik che katajin chik rilik ri wujq’axib’al rech pa we junab’ ri’

141

Pa taq le k’isb’al q’ij rech ri ik’ mayo eri Dirección General rech Migración xuk’ulaj 100 mil k’ak’ wujq’axib’al ri’ ruk’ wa’ xok umajtajik uya’ik ri wujq’axib’al pa we amaq’ tinamit ri’ xuquje’ xkub’isaj ub’ixik rech kajachik ri wujilal ri’ pa naj taq tinamit ri’.

Eri K’amal b’e rech ri Migración, Carolina Miranda k’a pa le oxib’ q’ij rech mayo ri’ xumaj uya’ik ri k’ak’ wujq’axib’al ri’ xuquje’ ruk’ ri k’a te xtz’ajik ri’ tajin utz’aqatisaxik pa karaj ri’ pa taq ri Consulados ri’.

“Xa’ pa nachike winaq karaj karesaj we wujil ri’ ya’tal chik kopan chik karesaj ri’ xuquje’ are a kajach b’ik che aretaq kopan che resaxik ri’”, xcha’ ri Miranda.

Ruk’ ri wujq’axib’al ri’ xb’antaj kowinen xya’taj pa saqil ri’ uya’ik we wujil ri’ pa le ik’ rech mayo ri’ xuquje’ are wa’ k’olik kiya’tajik pa juntir we jun junab’ ri’, xa’rumal k’ut k’o 338 mil chi wujilal ri’ kaya’taj na che pa junio ri’.

E pa taq tinamit k’o naj kajach na ri’ 65 mil ch wujq’axib’al ri’, are wari’ kachomatajik pa taq we q’ij ri’ xa’rumal k’ut are xmajtaj uya’ik ri’ pa le consulados ri’.

“Chomatal chik che juntir wari’ katz’aj na ri’ rech kajach k’ut pa ik’ junio ri’ are rech juntir kaya’taj loq rumal ri pa le tinamit naj rech k’o ri ya’talil ri’”, xcha’ ri Miranda.

Eri k’ak’ taq wujq’axib’al ri’ are k’o jun xk’ex che man junam ta chik jacha’ ri nab’e kanoq xuquje’ juntir k’ut katajin ukojik jun retalil rech kub’sib’al k’u’x ri’ jacha’ taqom uta’ik rumal ri taqanik rech pa tinamit naj.

Rajawaxik k’ut kaya’ ub’ixik che ri winaq tinamit che ya’tal chik rech kakik’exo ri kiwujq’axib’al che ri man utz ta chik che’opan b’a’ pa le Jachakunb’al rech Migración chi’ k’u ri’ ya’tal wi ub’ixik jas ri kakib’an che resaxik jun k’ak’ wujil chik. Eri wujq’axib’al ri’ ya’talik rech kesaxik pa taq le Uk’u’x Jachakunb’al pa zona 4 xuquje’ taq le Jachakunb’al k’o pa Chiquimula, pa Petén xuquje’ pa Xe’ulaju’.

COMPARTIR