Eri Mingob k’o nim ya’olchajinik tajin kakikojo pa taq ch’ich’ erelwinaq ri’

169

K’a pa jueves ri’ eri Ministerio rech Gobernación (Mingob) pa reqle’nik ri Wokajil Ajchajil Tinamit (PNC), sib’alaj kuchomirsaj uwach ya’olchajinik kub’ano pa taq ri ch’ich’ erelwinaq pa nimatinamit xuquje’ pa nik’aj chik tinamit ri’, rech kaq’atexik ri b’anoj k’ax kamisanik tajin kab’an chi ke ri ajb’insal ch’ich’ ri’, je ri’ tzijol xuya’ ub’ixik ri viceministro rech Seguridad Elmer Sosa.

Eri Sosa, xuya’ ub’ixik che ri ya’olchajinik ri’ are naj kanajtib’ uya’ik ri’ xuquje’ k’o kejach’ich’ kekojik pa le ya’olchajinik ri’, k’o ajchajil tinamit kekoj che kaqan ri’, k’o kekoj pa taq ch’ich’ erelwinaq ri’, k’o uk’olib’em ya’olchajinik kab’anik rech kesolixik chupam taq ch’ich’ ri’, rech kesolixik winaq xuquje’ rech kesolixik ajb’insal taq kejach’ich’ ri’, xuquje’ aretaq k’o winaq kewa’katik pa taq ch’ich’ ri’ aretaq wexa’ k’o k’ax kak’ulmatajik.

 “Rumal ri’ k’o jun molin ib’ chomanik xinb’an kuk’ ri taqanel rech ri PNC, rech k’o taqanik ub’anikil ya’olchajinik kab’an ri’, rech kechajixik ri ajb’insal ch’ich’ ri’ kuk’ ri winaqil e ajb’insaxel ri’.

Rumal ri’ kojtajin che rilik jun utzalaj ub’anikil ub’eyal ya’olchajinik ri’, rech qas kilik ub’anik kakojik uchokonsab’alil ri wokajil ajchajil tinamit ri’” xcha’.

Xuquje’ rech k’o sak’ajil tzukunik kab’an pa aninaqil aretaq wexa’ k’o k’ax kanaq’jixik kak’ulmataj ri’ rech kaq’atexik uwach chi la’ qas kab’an wi ri b’anoj k’ax ri’, are wa’ le uchak chajinik ri’ b’antajel rumal Subdirección General rech Investigación Criminal (SGIC) ri’.

Nota: Genesis Agustin.
Fotos: Roberto López.

Swiffy Output
COMPARTIR