Eri Mingob’ e k’o 6 mil eqa’lenelab’ ereyem ke’al pa tijob’en ib’

226

Are rech b’a’ kaq’atexik ri b’anow k’ax kamisanik pa taq ri 21 uq’ab’tinamit pa we amaq’, eri Ministerio rech Gobernación, Francisco Rivas Lara, xuya’ ub’ixik che e k’o 6 mil k’ak’ chi eqa’lenelab’ ri’ kak’is katijoxik ri’ rech ketaq pa juntir k’olib’al chajinik ri’ rech ketob’anik kuk’ ri wokajil e ajchajil amaq’ Iximulew ri’.

Eri Rivas Lara, xub’ij e pa diciembre pa we junab’ ri’ e k’o 2 mil eqa’lenelab’ kakik’is ri tijob’en ib’ ri’; je ri’ pa le 2017 e k’o ri’ e 4 mil eqa’lenelab’ kakik’is ri tijob’en ib’ ri’.

 “Eri qas kaqaj b’a’ uj eri ya’olchajinik winaqi are ya’talil pa taq le 21 uq’ab’tinamit ri’, rumal ri’ kaqeye’j ke’al pa le tijob’en ib’ ri eqa’lenelab’ ri’”, xcha’ ri Rivas Lara.

Eri qas karaj ri Mingob’ ri’ are b’a’ kakojik jun molaj chomab’al pa komon taqawokajil ruk’ ri Ministerio rech ri Defensa, rech b’a’ eri k’ak’ eqa’lenelab’ rech ri PNC ke’elik ri’ are rech ketaq pa uq’ab’tinamit ri qas kak’ulmataj wi b’anow k’ax kamisanik ri’ xuquje’ ya’olchajinik kakiya’ chi’ pa komonb’al kuk’ ri eqa’lenelab’ rech ajchajil amaq’ ri’.

COMPARTIR