Pa le ik’ diciembre rech 2016 ya’tal chik pa saq eri q’atb’altzij rech ri Tijob’al rech ri Wokajil Ajchajil Tinamit (PNC), rech ri zona 6 rech pa nimatinamit ri’ kuya’ kiwujil ri e 2 mil 204 k’ak’ taq eqa’lenelab’ ri xetijoxik chi rij nimanem, chi rij chomanem xuquje’ chi rij kiloq’oxik kib’antajil winaq ri’, are wa’ are rajawaxik k’o 18 pa 30 kijunab’ ri’ chinaq kikaj kek’oji pa le wokajil chajin tinamit ri’, je ri’ xuya’ ub’ixik loq ri comisario, Jaime Otoniel Chacach, k’amal b’e rech ri tijob’al ri’.

Eri Comisario Jaime Otoniel chacach K’amal b’e rech ri Tijob’al rech ri Wokajil Ajchajil Tinamit ri’, “eri ub’inisaxik ri cha’onem chi ke jujun taq e ajcha’el ri’ are sib’alaj nik rilik ri’ xa’rumal eri ajtijoxel ke’ok che eqa’lenel ri’ rajawaxik k’ut kakinimaj kakiya’ pa jachik ri rajawaxik chi ke reh ke’ok che ajchajil tinamit ri’”.

Rumal ri’ xuk’ub’isaj ub’ixik che ruk’ ri k’ak’ cholupam tijob’enik ri’ eri ajtijoxel sib’alaj kiya’om kanima’ rech ke’ok pa le wokajil ajchajil tinamit ri’, rumal k’ut k’o tojb’al tijob’en ib’ ya’tal chi ke ri’, ruk’ k’o kichak xuquje’ k’o kak’iyemal chakunem chupam le wokajil ri’.

Rumal ri’ eri ajtijonel rech ajchajil tinamit ri’ Osban Aguilar Alfaro, xub’ij che “jun k’ak’al winaq ri k’o pa le ujunab’ tam ri’ are ri’ k’o ronojel uchuq’ab’il rech kawa’laj pa nimaq’ab’ ri’ rech kub’an anim ri’, ri ch’ajch’oj tijonem chi re ri’ are k’o pa le uwachil b’anow nimib’al ruk’ cholajisanik ri’”.

Eri ajtijoxel kakiya’ kanima’ kachomab’al che ri ketjixo che pa le Tijob’al rech ri Wokajil Ajchajil Tinamit ri’, are katijox che ri kachakuxik pa uk’aslemal ri’ are ri’ ri katijox che pa tijob’al ri’.

Che ri ajtijoxel Esteici Mazate Paz, eri xtzijox che are xuya’ uchuq’ab’ rech k’o jun k’exnik xya’taj che pa we amaq’ ri’ xuquje’ k’o jun utzilem kaya’taj che jun eqa’lenel ri’ xuquje’ xub’ij che eri unan tat xta’w rech ri’ rumal ri’ sib’alaj kaki’kot rumal ri’.

Je ri’ xub’ij ri ajtzijoxel Antonio Alvarez aretaq xub’ij “eri ya’talil anima’ che ri’ are wa’ jun chuq’ab’ uk’amom loq aretaq ka’lax jun xuquje’ eri are pa amaq’el xurayij xok che ajchajil tinamit ri’ xuquje’ we kamik ri’ xa’ jub’ik karaj kinok che nupatan ri’ xuquje’ are wari’ kub’an nim chuwe kinna’o rumal tajin kinkowin ruk’ ri xuwaj kinb’ano ri’”.

Eri ub’anikil tijonik ri’

Ruk’ jun nimalaj tijob’enik no’jb’anem ri’ kumal ri ajtijonelab’ ri’ pa le umajik tijonik ri’ rech pa Ub’anikil Chajinik pa taq Komonb’al Winaqilal ri’, pa le ya’olchajinik, pa kanimaxik uwach kik’aslemal le winaqib’ ri’, chi rij Ya’talil Winaqil, chi rij ya’talil q’atow tzij ruk’ nik’aj chik ri’.

Chuwach k’u wa’ eri Inspector Oscar Gerónimo Avarado, xutzijj che ri k’ak’ taq uwach tijob’enik rech chajin tinamit, are xuk’ex kilob’al ri winaqil che kib’anikil ri eqa’lenelab’ ri’, rumal k’u wa’ tajin katzukuxik rech uya’ik jun utzalaj ya’b’al tijob’enik chi ke ri ajtijoxela’ ri’.

Eri retal tijob’enik ri’ are ya’tal kumal ri e ajno’jinel tijonelab’ ri’ pa le ub’anikil taqanem ri’ xuquje’ ri ub’anikil tzukunik ri’ je ri’ chi rij ub’anikil uya’ik jastaa rech q’alajisab’al ri’ xuquje’ rech pa jikom ukojik kab’an chi rij ri kak’ulmataj wi b’anow k’ax kamixanik ri’.

Eri ajtijoxela’ ri’, k’o uwach tijonem kakik’amo rech Tob’al Kib’ pa kitukel, rech Kemuxnik, rech Kek’aqanik xuquje’ rech kakijasq’eyej kib’ ri’ rech jikom pa le kilik ri’.

Swiffy Output
COMPARTIR